881903既新聞一直以來惹黎唔少好友既不滿，經過一番研究，我綜合出比較明顯既兩個問題：
商體:881903
濫，重量不重質：商體引用好多唔同既source，然後再翻譯成中文版本出街，來源當中包括左一啲知名既「吹水居多」既網站如：太陽報。一啲前後矛盾，甚至乎與事實不乎既新聞佢地都照出可也。
翻譯問題 ：英中翻譯問題亦都係問題所在，有時商體翻譯會同原文有出入。雖然大家都明白要將英文完完整整100%翻譯成意思一樣既中文既話係非常困難。但係唔單止翻譯既質素參差，商體有時甚至仲會斷章取義，以嘩眾取寵既標題去吸引人主意。
但係事實上，商體有吹水新聞，大陽報有吹水新聞，其他甚至乎有權威啲既都會有吹水新聞或者同事實有出入既新聞。
正如：
引用第7樓智者於28-04-2010 21:54發表的“”:
其他轉會傳聞又冇事，點解881903既又響到嘈
rumors姐，洗咩理係唔係881903........ok?
我相信大家對於啲吹水新聞都唔能夠即刻完全否定佢既真實性，而最後成為事實既新聞都有，無理由一支竹蒿打沉成條船。所以我既結論係：到目前為止，
我決定不禁止好友們出881903既新聞。最後，我希望大家以後見到881903既新聞唔好作出一啲無意義既回覆，如：「又係881903」、「商台互動吹水組」等，亦都唔希望大家針對貼出881903既會員作出無謂既批評。
講既係咁多，請原諒小弟既千篇一律，由於斷斷續續咁打出黎，可能搞到有d亂。但係都希望大家盡量了解下，同埋係度集中討論。另外我特別想繼續貼商台新聞既人出黎表達下意見。
大家有咩補充同埋意見想反映就集中係度講啦。我諗無人想見到一單新聞裡面，成頁都係d無謂既回覆。
溫馨提示：請勿罵戰
[ 本文被Gabriel在18-05-2010 22:34重新編輯 ]
