獲中央批准請辭的曾俊華，正式宣布參選下屆行政長官選舉 [復制鏈接]

同埋，講黎講去，其實我都聽唔明長毛或個幾位泛民，點解要去參選。參選有咩實實際際，推動民主運動既作用？唔參選，同其他途徑，點解又達唔到呢個作用！即係，參選既「必要性」係邊。


我只聽到一大堆似是而非既所謂政治「理念」！但聽黎聽去就係聽唔明。



其實有冇人真係明，點解，為咩，佢要去參選？

ODIN:For example? 唔好FF wor 你...
 (2017-02-09 12:44) 

係政綱到提會推23條咪就係呢類妥協囉。


除非你唔打算羸！好似長毛咁，旨在攪局！咁鐘意寫咩都得！好似兩位政青議員，你唔好好咁宣誓，玩野玩到過哂火位，又支那又鴨利州粗口，最後咪比人搵位入，DQ埋囉！


你要繼續玩，就要玩得聰明D。全世界既政治都係講協妥。空有理想，空有理論，但點爭取你想要既野，又無對策又無部署。咁點玩？

對長毛真係180度改觀

三郎:好多人因為林鄭差,而支持曾俊華
我記得美國總統選舉前有個民意調查,發覺2X歲既年青人,好多都不滿兩黨政治,不滿希拉利同特朗普。
....... (2017-02-09 12:53) 

我唔係單單因為林鄭而支持薯片的！我係因為見到薯片既班底而支持薯片的。


選特首其實要睇班底！689 最渣個一環就係班底弱。庸將手下全部都係弱兵，殘兵！個個上黎都係出醜人前！成個政府未埋班已經醜聞處處，公信力全無！一個弱勢政府又點可能做到野？


林鄭最大既敗筆就係佢講到明承接689 既施政方向同路線，即係沿用唔得掂呢班垃圾！呢個先係我最反對佢既地方。而唔係佢派利是比個乞兒，又或者唔識用八達通，又或者唔知邊到買

羅力亞:梁國雄指若支持曾俊華是非常危險
社民連立法會議員梁國雄在本台節目表示，若泛民主派在行政長官選舉支持曾俊華，是將所有選民的授權轉授給他，形容是非常危險，如果中央支持曾俊華，連同泛民的支持，他就成為回歸以來首位獲反對派大力推薦的特首，泛民將來難以重奪政治支持。他又 .. (2017-02-09 14:21) 

佢呢個講法其實本身就好奇怪………

係咪無論邊個人做特首，泛民都一定要站於反對位置先得？否則，都會出現「回歸以來首位獲反對派大力推薦的特首」。即係泛民就只能反對特首，無論邊個做都一定要反！


咁我地個政府唔駛旨意會做得好了…………即係你唔係因為佢做左咩，做過咩，而去決定投贊成定反對票。只要佢係特首就反！邊個做都要反！


佢如果佢做到特首，佢係咪都係「回歸以來首位獲反對派大力推薦的特首」？咁佢危唔危險？

三郎:好多人因為林鄭差,而支持曾俊華
我記得美國總統選舉前有個民意調查,發覺2X歲既年青人,好多都不滿兩黨政治,不滿希拉利同特朗普。
....... (2017-02-09 12:53) 

然後就選左特朗普出黎，然後佢地宜家就嘈生哂，係咁鬧特朗普！日日示威遊行………


呢d 咪叫自作孽囉。

我宜家最有興趣想知既，反而係，如果公民提名，長毛得唔到足夠票數，又或者得票遠遠低於曾俊華，佢會唔會食言，繼續走去選。



如果佢真係食言，堅持要選，咁仲算唔算係貫徹自己既理念同信念？

freezefox:我宜家最有興趣想知既，反而係，如果公民提名，長毛得唔到足夠票數，又或者得票遠遠低於曾俊華，佢會唔會食言，繼續走去選。
如果佢真係食言，堅持要選，咁仲算唔算係貫徹自己既理念同信念？ (2017-02-09 15:08) 

公民提名，長毛一定夠票，建制一定做佢入去，效果同泛民想推葉瘤入去一樣。

freezefox:然後就選左特朗普出黎，然後佢地宜家就嘈生哂，係咁鬧特朗普！日日示威遊行………
呢d 咪叫自作孽囉。 (2017-02-09 15:06) 

你又唔好咁講

日日嘈既人係自由派
本身就反trump

ArSo:你又唔好咁講
日日嘈既人係自由派
本身就反trump (2017-02-09 16:20) 

我唔信個班後生仔唔反普！

食左字!!!!!!!!!!!!!!!!!!!!!!!!!!!!!!!!!!!!!
打左十幾行, 出得一行, 唔打了

freezefox:然後就選左特朗普出黎，然後佢地宜家就嘈生哂，係咁鬧特朗普！日日示威遊行………
呢d 咪叫自作孽囉。 (2017-02-09 15:06) 

甘特朗普亦有相當多個美國人支持佢先選到總統。
可能係你眼中自作孽

都可能有好多美國人覺得佢係希望,如果佢兌現承諾

呢D就係民主嘛,唔係咩

我相信香港人唔會選到特朗普

如果特朗普今日係有份選特首(一人一票)

林鄭都會大勝佢

頂你食左字好慶

第一個感覺長毛參選? 唔係掛?

我都唔想品客做, 貪曾已經話左俾家聽AO帶領係唔得, 但呢個係現實, 品客係唯一最好既結果. (因為689太趕客, 俾林鄭上 = 689無限延續, 民望一定低, 撕裂繼續)

長毛你可以話貫徹理念參選, 你唔理解點解(或者唔接受)泛民可以投票俾建制派, 呢個就係正正之前無一個建制派做到既事, 換句話說, 品客政治光譜現階段其實好闊, 咁樣有利民望同日後施政.
常理推斷你長毛出選既話一定會減少左品客向泛民選委既票, 有機會連閘到入唔到. 而且好有可能林鄭 > 品客, 林鄭 >>>>>>>>> 品客 + 長毛, 所以如果最終你長毛參選而結果係林鄭的話, 廣大市民, 最少我識果班絕大部分都係, 都會入你數.

咁你就仲衰過梁耀忠無條件讓主法會主席俾人. 臨老先黎賣屎忽, 何必呢?

freezefox:
所以D 人咪就係鬧佢離地囉！
理想？信念？呢D 屬係理想主義！長毛也好，支持佢既人也好，都係單單從動機出發，唔考慮結果。反對佢既人就係考慮現實狀況！如果動機好就咩都可以做既，呢個世界就唔會有一句「好心做壞事」了！
.......

我都覺得離地呀，我都唔贊成呀。但你唔可以一句話你覺得，就推翻一個人的參選權。

上屆689一開波個勢都麻麻的，今屆鬍鬚都有好多人覺得佢冇機會。雖然咁樣比較唔係好合適，但長毛決定要自毀，我會尊重佢。長毛呢排真係慘過過街老鼠。

事實上，長毛唔會界得走薯片D票，最多去搶左部分胡官的票...

同埋薯片要登基，主戰場一定係林鄭o個邊。

我利申：我其實係港豬，我真心支持薯片，而唔係因為less evil。我唔會因為對方係敵人的敵人，就係朋友。