Day 1：
我地就 book 左中港城去斗門港既船，船程接近兩小時。落船之後要再搭旅遊巴去御溫泉，大約半小時。因為去斗門港既船全日得一班，所以我地一定要 08:30 出發，回程就 16:20。
其實都可以 book 中港城去九州港既船，每一個鐘一班，船程較短，不過搭車時間就較長。其實兩邊總時差唔多，不過去斗門港較平，所以我地就訂左去斗門港。
咁我地落船之後，係一個超級簡陋既碼頭，同埋一個超級簡單既關口(其實我懷疑要偷渡真係唔難)。過左關，我地即刻上左旅遊巴，基本唔洗等就出發(因為得一班船，關口好快就冇晒人)。
坐車途中，因為關口地點真係好偏僻，坐個程車真係好顛簸，好彩好快就出市區(都叫市區掛...)，都叫冇咁辛苦。結果我地坐左半個鐘，終於係接近 12 點時到達御溫泉。
我地一落車，即刻有服務員走過黎擔遮幫你遮蔭，雖然個一刻真係有做皇帝既感覺，不過好快就覺得唔自在，始終做唔慣大爺.......
圖為雲來客棧入口其實我 book 完船之後先發現我地會好早到達，而上網睇酒店 check-in 時間為三點，都好擔心我地要等兩三個鐘先入到房。不過可能係淡季，我地一去就俾我地 check-in，我地好快係大堂影左幾張相就入房。
Check-in 期間會收我地張回鄉證過一過機，好快就會俾返你，唔係上網咁講要等你走先俾你。
同埋值得留意既係，你可以用你張房卡套，當信用卡咁用，食完野就咁簽個名就可以走，唔洗即刻俾錢，check-out 時先一次過計數(其實真係幾方便)。
圖為大堂擺設1
圖為大堂擺設2
