ODIN:就正正係是其是，非其非，我先出聲。
如果係我，我會叫佢去洗手間，叫佢行埋一邊，但都唔會影相、拍片~
.......
我尋日忙得濟唔得閒回你，而家有幾分鐘時間回一回……
每個人有自己唔同既經歷同背景，你有同大陸親戚交往既經驗，所以你懂得去體諒別人，你選擇去嘗試教育大陸人，呢個當然係值得加許的。
但係人地係無你相同既經歷同背景，人地可能都無內地親友(我自己就無相熟既內地親友)，你當然就唔可以要求別人「
可唔可以當O個位客人係你的內地親友？」「如果佢係你的親戚，你識的內地朋友，你仲會唔會影相？」。況且，你有心嘗試教育大陸人，但係唔可以要求別人都同你一齊去「教育大陸人」，因為呢樣野唔係我地既責任。呢個係中國政府既責任，不過上面只係著重愛國(愛黨)教育，並不理會普通的公民教育。你可能會覺得我地都可以幫下忙，呢個當然係正確的態度，但係別人亦可能會覺得十三億人排住隊落黎，我地只係七百萬人，又可以教得幾多個？我地剩係唔想自己生活無端端被打亂，呢種態度亦無可厚非。
所以呢個只可以講每個人對同一件事會有唔同的取態，中間並無對或錯之分。正如你會選擇教育大陸人，我就會選擇不聞不問，匿埋係屋企儘量少接觸，希望儘量搵多幾個錢將來移民走人。因為我係非常悲觀的，正如我經常講既劣幣驅逐良幣，好快香港就會被同化。唔止呢的屎屎尿尿既劣行小事，各種大陸式既貪腐已經殺到埋黎，呢樣先係真正大鑊。你對抑或我錯呢？我覺得只係唔同取態，並無準則。
至於今次影相既香港人，你覺得佢地既動機係「
製造話題」、唯恐天下不亂。如果真係如你所講咁，就當然要「非其非」。但係呢樣只係你個人既惴測，係所有報導上並不能判斷呢個係事實，充其量只可以講係其中一個可能性。影相既人亦可能如我所講既只係覺得呢的野非常荒謬，拍低希望政府能正視問題。另外，亦有可能佢見到有人犯法，希望拍低證據，等執法人員可以到場執法。因為實在太多可能性，係公眾場合影相亦無犯法(無論係法律上或道德上去睇)，所以我先話「我自己都一定唔會影相、拍片……但係有人選擇影相、拍片的話，我又諗唔到有咩野理據去指責佢地……」。
