沙巴出外島係好方便好容易亦都好經濟既一個地方。除左美人魚島。唔同其他外島係巿中心既碼頭出發。美人魚島要去到離巿中心兩個鐘有多既內河碼頭出發。再搭差唔多一個鐘船先到。來回三個鐘，十分費時。我地住NEXUS 既可以來回各慳一個鐘，但都要用成四個鐘。所以要好早出發。而且無得自已去，一定要經當地旅行社先可以入島。每日限定入島人數為五十人（講係咁講，我去個日都爆額爆到七十幾人了）。費用絕對唔平，一個人要成六七百蚊。真係食左我隻車！
呢到就係內河碼頭了：
放心，我地唔係坐呢D 艇仔。一出大海，D 浪會勁大（聽領隊講最恐佈試過成七尺咁高既浪，坐般坐到好似玩緊海盜船咁）。好多人頂唔順就會嘔足成程。好彩我地個日比較風平浪靜。
一個鐘後就黎到美人魚島了。佢係由三個島所組成的。由當地原居民經營。政府租用佢地既地方黎發展旅遊業。
由於地方偏遠，又限住每日入島人數。所以呢到既生態環境暫時仍然可以保留到。唔似其他幾個外島咁己經被旅客玩「殘」左了。咁事實上，呢到又真係好靚既。
[ 此帖被freezefox在2013-05-29 23:43重新編輯 ]
