前題:上登高睇到...估唔到平時粗口多多..無黎正經既壇..有一篇好文..
我真係未試過上網睇文睇到喊...
大家不妨睇下...長就長d..大家將就下..
今日係屋企幫老媽子執屋
係封曬塵既櫃桐入面見到一本記事簿
打開一睇係我老爸既字跡
第一頁寫曬我老媽子既生日, 結婚日子. 結婚酒樓
第二頁係寫我大佬, 我家姐, 我既生日, 同邊一間醫院出世
第三頁開始無寫野....不過係夾住日曆....
係由我老爸同老媽結婚開始, 每一件我老媽生日既日曆, 我老媽生日既日曆
我大佬由出世開始每一年既日曆, 連我家姐同我都有....
睇到呢度...我個心開始好痛....
回憶前事....
你唔好每晚返來飲完酒就發癲得唔得呀
就算你死左, 我地無一個會對住你喊既, 你放心
你嘈少晚當幫忙好唔好, 我真係唔明點解我會有你呢個老豆
.......下刪無數句
上面既說話, 都係由我把口講出
因為我老爸生前好內向, 有心事都唔會主動講出來
所以久而久之, 佢飲得愈來愈多, 同我地家人既關係愈來愈差
因為佢每一晚放工返來, 食飯少, 飲酒多, 佢就會開始咩都羅來鬧
鬧我阿媽廚既飯痴飯堡, 條魚痴碟既底, 鬧我地唔尊重佢
有事連隔離屋街坊既野都會鬧埋....
其實, 我2-3歲既時候...
我老爸唔係咁...佢果陣好錫我老媽子. 好錫我地
果陣佢唔會晚晚飲酒, 只係間唔中飯一兩杯
我重好依稀記得3歲果陣, 我坐係我老爸既大比上面, 佢教我點揸車(我老爸係拖頭司機)
我重記得當時我老爸個樣好型好man....好專業....
自從有一晚...我細叔來我堅企過夜....
第二日朝早佢問我老媽子羅匙開門出左屋...之後去左青衣跳海自殺之後...
我老爸開始成個人唔同左...佢晚晚返來飲酒....
佢自覺細叔既死係因為佢無好好睇住細叔, 佢覺得好對唔住阿爺, 所以佢要用酒來麻醉自己
呢d係我老爸死後, 從我老爸既朋友口中先得知....
果陣我重細...我根本唔知老爸心入面有幾痛苦...
除住我年紀愈來愈大, 我就覺得我老爸好無用, 晚晚返來只係識飲酒同發酒癲....
我地一家五口既關係...每晚都只會係....我老爸放工返來...飲酒...嘈...訓
直至到我老爸因為飲酒抄左車, 我老爸既老闆抄左佢之後
我老爸就更加寄情飲酒....同我地屋企人既關係...大家可以想像, 係到左谷底中既谷底
果陣我更加有講過, 你快d死啦. 你唔死有咩野用之類既野比我老爸聽...
直到我老爸過世前既兩三年....我老爸分別患左三隻癌....我地屋企人既關係開始改變
我老爸第一次患既癌係舌頭底癌. 成因可能係因為食得煙同飲酒過多
果陣我老爸好好彩, 係威記遇到一個好醫生, 佢係醫院既教授級, 佢知道我地堅企無咩錢
就將我老爸放入研究明單入面, 可以減免我老爸9成9既醫療費用
