陳鍵鋒轟無線賤價留人
曾獲無線力捧的陳鍵鋒去年毅然離巢北上發展，日前受訪時爆背後內幕，指無線提出不合理的續約條件，簽約十年不加人工，令他心淡。
近年不少無線一線花旦小生，紛紛離巢北上拍劇，除了有助擴大華語市場，人工亦即時幾級跳！現年32歲的陳鍵鋒去年8月亦加入「北上大軍」，與無線脫離關係。他日前接受有線節目專訪，道出背後辛酸原因：「完約後同公司傾續約，但為加幾十蚊人工爭辯落去，好唔值得！」他又透露曾考慮做無線「親生仔」，但因條件苛刻而卻步：「有高層請我傾簽約嘅事，條件上列明簽十年約，但薪金就保持唔變，唔係要計較乜嘢，但有邊個可以保證兩年後有冇人搵我做嘢？到時我點維生？」
訪問期間，陳鍵鋒以廣東話對談，感覺新鮮：「以前要逼住講普通話，出親活動都要左閃右避怕入鏡頭，明明已經係最大台，有咩好怕呢？」提到曾與吳卓羲、黃宗澤及馬國明獲無線力捧，眼見其他人個個上位，心中不是味兒，他說：「明明努力工作，亦得到觀眾認同，但同輩一個接一個攞獎，自己就只係企埋一邊，連提名都冇份。」他更直言「聽話」是在無線生存之道：「我就唔識做囉！」
記者就此事向無線外事部副總監曾醒明求證，他說：「陳鍵鋒確實已經約滿無線，依家係自由身，同我哋關係依然好好。佢\仲答應咗會返嚟幫手宣傳新劇，如果佢\真係有意見嘅話，我會去瞭解一下。」
「冇理由佢\犯錯我承擔」
其實除了陳鍵鋒與無線續約鬧不快外，陶大宇亦曾於傾約時受到無線不合理要求！他透露當年曾與無線簽兩年合約，一年拍二十集電視劇，但等了年多才拍攝《掌上明珠》，完約後仍有十集未完成，無線竟叫他無條件將合約延期半年：「佢\話當送畀無線，我覺得唔合理，冇理由佢\犯嘅錯要我承擔。」最後，無線賠償十集酬金了事，但相隔幾個月後，無線欲想找他再拍戲，但竟要求他先賠償該十集酬金，才可繼續合作！大宇直言無線太過分及不能接受，故指近日無線花旦小生紛紛離巢是人之常情：「藝人亦要養妻活兒！」
專案組
tvb真係cheap到無朋友
[ 本文被鬼影炎光在2011-04-12 23:10重新編輯 ]
