先睇球王教學
ab34(哥利斯馬)的教學文
雖然我唔勁，但係我都算有經驗，因為我一日平均玩6至7個鐘，都累積左唔少經驗，當中仲有同奧神，M4（仲有Pong）交過手，所以對d高手既技巧略知一二，所以寫篇所謂攻略睇下幫唔幫到大家XD
龍門篇
每隊球隊都要固定一個人做龍門，否則會好混亂，咁講下守個方面啦，咁人地係邊線進攻緊個陣，你要守近柱，要貼著條柱，但係唔好俾條柱阻住你行，而且人地射門你要禁上制或者下制去鬥力。我以前見過有d人俾人射到縮後左，咁仲點守柱呢？咁當你回防個時，對方好近個波，而且得你一個，冇第二個人幫你守柱，咁你就要hold著個波等幫手，否則一旦俾人搶到個波就好易失波，除非你d隊友離你好遠，而且有多個敵人，否則最好等幫手。咁就到攻個一方面啦，做龍門都要協助進攻的，不過唔可以太上，要留係中場線前少少，，做龍門既最好有唔錯既傳球能力，咁一截到人地個波，你就可以傳俾前面既隊友。人地單刀個時，你唔好只係掛住禁’x’ (x係指鍵盤個制，唔係粗口)，你要留意下對方想射邊一個位/射邊一個位，人地扭唔好掛住一齊扭，唔好胡亂走位，咁對方見你咁淡定，唔多唔少都會有d困擾。
進攻and防守篇
當人地係邊線推進個時，你要留意下佢想唔想傳去中間（姐係留意佢既位置），你最好斜cut埋去，同埋要貼住條邊線，唔可以俾位人地過，譬如話前面個個係meireles，如果你同佢交過手既話，你會發覺佢好硬淨，點解？因為佢既企位好好，而你又唔夠佢力，所以冇論你係邊一個位置，夠力都係好重要。除此之外，當人地進攻個時，攔截對方既傳波係好重要，你要留意對方既傳球路線，咁就可以intercept對方既傳球。咁進攻方面，最重要既係，你過唔到對方，你就要嘗試傳俾隊友（要係大機會傳到個時先傳），唔好自己去。最後一樣野，你係底線對著個龍門係好難逼個波入網，所以最好都係係適當既時候傳俾中間既隊友。
技術篇
如果你唔訓練，你係冇可能做到其中一d技巧，所以你一定要練好傳球同射門，否則有機會俾你傳球或者射門，你就做唔到應做既野。呢d基本野好重要，但係有d花巧既野都好重要，第一樣就係扭波（姐係改變你既位置，咁對方就要估你想傳去邊），第二樣就係撞牆過人，呢樣就對d較少經驗既人比較有較，呢一樣野可以去1 on 1 場去練。仲有就係開波既技巧，唔好以為點樣開波係唔重要，因為一場波得一隊開波，如果你識利用開波，咁你就會多一次進攻機會，對方少一次進攻機會，所以你開波要踢上前俾隊友去追，當然呢d野要同隊友一早諗定先。
所以最重要既係你要去練同埋要有多d實戰經驗。d野就講完啦，講得唔好唔好鬧我XD
撞牆篇：
撞牆我會話分三種，第一種係企定將個波撞去牆，跟住拎番個波，第二種係你推進個時，將個波撞去牆跟住拎番，第三種係你番去後場拎波，撞牆後拎個波去相反方向。練好呢幾種撞牆之後你就會勁好多XD
射門傳球篇：
練好one touch pass， one touch shot，射死角呢d一定要，但係原來有另一樣野都好緊要，我尋日先留意到，就係要練故意躂Q，有時隊友離你幾近，你想傳俾佢，你就要細細力咁傳，同埋射門去錯腳位個時，有時你大力射，個龍都未走得切，個波都埋到去，咁就唔入了，咁你就要細力射。
對峙篇：
我見到有d人守龍，對方單刀個時一味狗衝埋個波度，其實你唔駛狗衝，你只需要走去對方前面唔太遠個時禁實x，一路走到佢前面好近，咁你封位封得好，個波就好難入。另外，有陣時你唔知對方想點或者似係想撞牆，咁你可以因應情況，選擇係對方附近禁實x或者企定定睇下對方想點，切記千其唔好一衝埋對方就衝到盡，要留有餘地，就算衝錯左你都仲有機會補救。
結語：
除左以上，你仲要練點fake人，總之你想踢得好就一定要練，你勤力練，M4都唔係你既對手，不過你最好牢記M4金句先：
1. 玩haxball一定要冷靜
2. 唔好下下都撞牆，好易估
3. 要信你既隊友
4. 踢波唔好掛住打字
