今期重槌，非修咸頓莫屬啦。開咧前人人以為佢係降班膽，開咧後一街眼鏡。5戰3勝10 分排第2 ！真係估都估唔到。事實上，有睇過修咸頓呢幾場比賽既都會認同佢宜家呢個成績絕對唔係負負碌碌咁碌番黎。呢幾場既表現絕對對版。新加盟既PELLE、TADIC、雲耶馬全部表現搶鏡。前中後三線都好齊腳。夾落又有默契，完全唔覺得係新埋班。究竟係朗奴高文好野，定係新加盟既球員質素超班，一理位就掂？我都唔係咁清楚。不過今周主場對榜尾既QPR，真係唔重槌都唔得。
QPR 有幾差，近兩三場有睇波既都應該清楚知道。不必細表。失球5 場失11球，英超尾二！得球5場得3球又係英超尾二！得失球-8 絕對係英超第尾。對住隊咁既波，仲要係主場。主中後買齊都唔過份。前鋒PELLE 上場其實早早應該爆分。尾段錯失足足兩三次黃金機會。結果只能以2SOT 9分僅僅合格。今周對住大開中門既QPR，買佢梅開二度都不為過吧。
中場TADIC 本來名不經傳，但宜家竟然可以成為與天使、死神、法比 等一眾球星爭我地隊波入面既正選位既其中大熱人選。穩定既得分力係主要原因。禾特普斯既受傷，亦都有利佢既得分力。因為相信絕大部分既死球都會由佢負責。唯一要考慮既，係你可以放邊個黎買佢……
中場禾特普斯傷出，好大機會會由雲耶馬代替佢既中場位置。此一變動，可能不利整隊組織，但絕對有利加強防守力。由佢同舒拉達連扼守中路，對手都幾難過半場。今場CS 機會甚高。後防第一人選當然係BERTRAND。佢係左路策動唔少攻勢。助攻能力不俗。SC、CW、TW、PI等等既雜分都好多。加埋CS 既話。分數可觀。
籠門呢？睇你有冇需要啦。如果你都諗住用高圖斯，咁就無謂浪費個幾蚊買FROSTER。除非你擔心車仔個CS ，又擔心高圖斯個正選，咁買黎打後備都可以既。
