近日有周刊影到王祖藍 和李亞男手拖手拍拖，祖藍今日接受雷霆881《巴巴閉 邊個夠我查篤撐》訪問，坦承與李亞男的戀情，也自爆是因為太耐無見對方，忍不住要見面才會令戀情曝光。他更笑說自己雖然矮女友6寸，但「我接受到囉！」
戀情曝光後，雖然獲得很多人送上祝福，但卻有更多的人對這段戀情「接受唔到囉」，祖藍說：「多謝大家的祝福，我接受到囉！」祖藍認為自己今個月是「百密一疏」，「這個月都預感到有人跟，但真係太耐無見面，忍唔住見面就中招。其實嗰日都感覺到有人跟，多少都會擔心，同教會弟兄傾過後，就決定大方承認。」
「藍男」在05年於「藝人之家」認識，當時一個選完華姐，一個仍在主持兒童節目。祖藍笑說自己能夠放膽追亞男，是因為本着「輸咗都唔會蝕底」的心態，「本來唔覺得自己有機會，但同佢認識咗一段時間後，我認為自己值得去搏一搏。」祖藍在教會中教女方廣東話和演戲，慢慢加深認識，「我都無諗過，我本身鐘意同我差唔多高的o靚模架嘛！無諗過自己女朋友會高咁多，外表又成熟。」祖藍承認在去年年中才正式開始拍拖，「識咗4年先開始，因為教友都認為應該認識深啲至開始會比較好。」
「藍男」身高相距6寸，但祖藍自己就覺得完全無問題，亦相信女友不會介意，「佢無諗過會咁樣，認識耐咗之後，心靈溝通得好好，好到唔會介意（身高）。我諗佢都有諗過，佢能夠接受到我好開心。」戀情曝光後，亞男立即約祖藍睇戲，因為拍拖咁耐他們都無試過一齊入戲院。
http://hk.news.yahoo.com/article/101110/18/l6it.html
