奧雲事件 [復制鏈接]

各位利物浦球迷對上年奧雲以8m英磅加盟皇馬有咩睇法
認為佢是否不忠心,令利物浦蒙受損失?

不忠？有咩不忠？球員買賣，年年都有架啦。交易黎者。

可唔可以調轉講，利物浦將巴路士賣出去係不仁？將梅菲賣出去係不義？將希斯基賣出去係不智？

係我講得唔清楚
有d球迷話奧雲遲遲唔肯續約
搞到要賤賣8m
話他是叛徒

拿，有時又要咁睇。球會其實等如一間公司，佢要攪球隊之餘，亦要識得攪行政。買人賣人得宜，球會既「慳」到錢，又可以賺到錢。

係適合既時機，做適合既野，就係行政總監既責任。明知個球員一兩年後約滿，就早d攪。球員左推又推，就應該feel到有問題，就更加要馬上解決面對。真係比人拖到最尾，無彎轉之時先要平價出售，就係你手段唔夠。無得怨。


我從來都唔相信球隊同球員之間要講絕對忠義（唔係唔講，但肯定係有條件地講）。大家都只係互為利用。當大家指責球員無本心，飲水唔思源之時，又有幾多間球員真係可以做到有情有義。比有功積既球員可以安安心心踢到掛靴？

傑斯上年都幾乎比人賤賣。簽約都唔肯簽多一年；碧咸得罪老頂，代表人物都要走；希亞路可以係皇馬退休咩？梅菲、希斯基，唔忠心咩？


有幾多個基昂哎………

利迷論壇現在正打得火熱
更人有詛咒奧雲

下面是引用hyypia於2005-08-25 19:42發表的:
利迷論壇現在正打得火熱
更人有詛咒奧雲

自己係利迷都好，老實講……我最驚同d「球迷」講波……全無理性可言………

仲有,你唔認為owen唔續約係唔忠心既表現?

下面是引用hyypia於2005-08-25 19:45發表的:
仲有,你唔認為owen唔續約係唔忠心既表現?

絕對唔認為！


你認為打工仔轉工係唔忠心既表現？

"不過呢度好多人都係憎奧雲同麥馬拿文走之前拖拖拉拉ge態度,令利記損失慘重
如果佢地一早明言要走,等利記有晒相應ge部署
我諗有好多利迷唔會咁嬲lor"

引述一位利物浦球迷既說話

不忠！不過打份工姐！

不忠...而家呢個球壇唔係十幾二十年前果個

而家既球壇我相信由出道至退休係唔會有太多,,,應該係話絕少既球員會做到....

仲有球員轉唔轉會唔係佢自己一個人既決定

究竟家人習唔習慣果邊既生活?球會係要賣佢佢都無計架

唔好淨係話球員轉會就不忠.////

小弟愚昧,,唔知有咩講錯

下面是引用hyypia於2005-08-25 19:54發表的:
"不過呢度好多人都係憎奧雲同麥馬拿文走之前拖拖拉拉ge態度,令利記損失慘重
如果呇a一早明言要走,等利記有晒相應ge部署
我諗有好多利迷唔會咁嬲lor"
引述一位利物浦球迷既說話

即係咁。

間公司想炒一個人，會唔會早半年話定比佢聽：「喂，過左年我就炒你呀！你黎緊呢大半年唔駛準時返工，唔駛加班，唔駛努力工作架囉。反正都無前途。」

同樣地，一個人想辭職，會唔會早半年話定比公司聽：「喂，我撈埋今年唔撈架囉。不過你唔好提早炒我呀。或者cut左我同客戶既聯系呀，甚至係外面放風唱我呀。係，我諗住走，你都唔好預好賣命。但係，我都要出埋d雙糧先走架。」



等利記有相應部署？相應部署係假設所有會發生既可能，作出「相應」既部署。唔係「知道」有咩發生先去部署。個d就唔叫部署啦！做得高層，要高瞻遠足先得架！

首先我講明我唔係奧雲迷, 亦都無o係o個邊留過言. (我無o係o個邊登記)

其實睇你由咩角度去睇啦, 如果你當一門生意咁睇, 當然係無問題,

點解好多人唔鐘意奧雲返o黎, 一來梗係錢, 如果真係18m 買返o黎.
來回比皇馬賺o左10m, 傻嫁咩, 而且利記最重要係買中堅同右翼.
又唔係唔夠前鋒用, 買佢做乜.

二來係感情上o既問題, 佢之前咁樣走o左去, 的確令到利迷好失望,
因為佢完全為o左自己, 想去皇馬囉更好成績, 而家唔受重用,
就話想返o黎, 正所謂一次不忠, 唔擔保返o黎之後車仔, 曼聯, 阿記話要佢.
佢又會去.

至於話麥馬拿文, 你可能話我鐘意佢而幫佢講說話, 但係我欣賞佢當佢
無正選o個陣都無要求利記救佢, 自己努力練習, 希望囉返個正選.

麥馬拿文？

哎……你係佢fans……我無謂係你面前講佢壞話。

以前我都曾經幾欣嘗佢既……但係……

講開麥馬拿文, 我想問當年點解會離開利記, 有冇人記得......??