華倫西亞炒全組軍醫
華倫西亞季前大事擴軍，諗住可以重振雄風，點知主力傷完一個又一個，嚴重影響球隊演出，搞到主席蘇拿發晒老脾，竟然炒晒成個軍醫組，真係要睇下華倫�係咪會少傷兵。
傷兵一直都係華倫西亞死穴，中場伊度夏天加盟後唔夠一個禮拜就打柴，前鋒古華特今季先後三次因傷退下火線，軍醫仲試過將拿華路醫治中耳炎藥方，錯誤判斷為含有禁藥成分，球隊上星期去沙特友賽掘金，又有艾馬同奧利里奧受傷，加埋艾耶拉要做手術，主席蘇拿就嬲到震，上周六將約姆巴特為首的四人軍醫組炒晒，認真大鑊。
其實華倫西亞球員對軍醫水平一直都好不滿，而且原本力撐呢班軍醫的總經理蘇維拉斯最近同蘇拿傳出不和，靠山頓下就被開刀。華倫西亞周中仲有場聯賽迎戰馬略卡，真係要睇下炒晒班「庸醫」之後，華倫球員係咪真係少傷病先！
