http://hk.apple.nextmedia.com/news/art/20130314/18194886【本報訊】也許每個改變生命的決定都需要一點衝動。盧貴和原本只是個炒燶股票的菜檔老闆，五年前決定重投校園修讀工商管理，今天已是準碩士畢業生。MBA菜販將大企業管理模式搬進菜檔，分析銷量數據，告別只憑經驗的傳統經營手法。他說做生意一定要讀書，「唔一定贏多咗，但一定輸少咗」。
記者：袁樂婷
盧貴和（47歲）的年輕時炒股票為生，曾擁300萬身家，衣食無憂，一場金融風暴卻輸盡積蓄。一下子從天堂掉進地獄，他毅然接手祖母於黃大仙大成街街市的菜檔，腳踏實地過活，「搵到兩餐，可養妻活兒就夠」。
十年間擴展至六間分店，賣菜版圖遍及石籬、竹園、荔景。旁人看他風光，他說事實剛好相反，「搵唔到食先要開咁多間，希望做多啲生意，好似啲人搵多份工咁」
花三年修畢學士課程08年為與內地加工廠員工溝通得更好，只有中五學歷的他決定重返校園，報讀公開大學普通話、英語和電腦課程，「讀完先知原來可以計學分，既然係咁，不如讀埋個學士啦」。
盧貴和說自己是生意人，目標鎖定工商管理系，「其他嘢我真係唔識㗎」。他熱愛上學，每星期總有四晚回校出席導修課，只花三年便學士畢業，隨即開始碩士生涯。同學都是廿歲出頭，他喜孜孜說絕對沒代溝，「大家一齊讀書，不知幾開心」。
改變對員工苛刻態度他又說，以前經營菜檔只靠經驗，「唔好問點解，總之我話得就係得」。修讀工商管理後，每次下決定都有根有據。以前隨心情入貨，然後胡亂分配給不同分店售賣，試過有分店每天扔掉兩成菜；現在會分析以往數年銷量，「睇清楚邊間檔口最賣得，邊間賣唔到，分配好啲就唔使浪費」。
他也明白到員工是最大資產，漸漸改變苛刻態度，與員工關係越來越好，「以前問佢攰唔攰，純粹得個問字㗎咋，佢亦都唔敢答你攰；𠵱家就真係關心佢，會叫佢辛苦就唞唞」。
盧貴和將於今夏碩士畢業，學海無涯，他計劃繼續進修，更笑言讀書令他面目有光：「對住班街市佬話我讀書喎，幾威啊！」間中有人潑冷水，他處之泰然，「我用咗三年就大學畢業，你做過啲乜？你咪日日揸住份馬經喺度刨」。
盧貴和原本只是炒燶股票的菜檔老闆，現在卻是準碩士畢業生。羅君豪攝] ■盧貴和原本只是炒燶股票的菜檔老闆，現在卻是準碩士畢業生。羅君豪攝
