一壽司(cwb分店)
食評:呢間野正價雖然貴..但係都設有黑夜壽司 即係10點入場就壽司半價
次次同女友睇完戲就一定去食 半價食到正壽司 唔易搵!
第一次去果陣已經愛上左 環境好靚 好唔同其他壽司店
魚生亦都非常新鮮 壽司飯亦都做得非常不俗
不過黑夜壽司要最低每人消費80蚊!
(9點35 好去排隊喇!)
價錢:正價比較貴 10點入座之後就非常抵!
必食推介:
火灸玉子 - 我一向唔太好食玉子都成日點黎食 因為真係好好食 蛋有蛋味
加埋秘制既燒汁 熱騰騰既玉子 ...十個正!!
海膽壽司 - 食過水準最穩定係海膽壽司 就一定係呢間 唔好睇個樣好似好核突咁 但係就好新鮮!
帆立貝 - 呢到既帆立貝 肉質一樣啖啖肉 都係非常厚 只係無板長咁大舊!
吞拿魚腩 - 儘管比板長既遜色少少 但係都仲係一級水準!!!
