明年農曆年假可放5天 自製9天長假 業界﹕中長線遊料增 [復制鏈接]

多假放，d老細頭痕

引用第15樓Ar敬於2012-05-01 16:30發表的“”:
多假放，d老細頭痕 [表情]

其實放假已經係成本最低既福利

引用第11樓Erikson於2012-04-30 23:35發表的“”:
但係又無講錯喎

我只覺得係苛索無道...
站在勞工的立場，我覺得係...
工作係為左生活，而唔係剝削生活...
但由最低工資，最高工時、勞工假優化等等...
我睇到的係一個又一個好短視的行動...
就好似最低工資，帶來了通脹，通脹帶來更高的最低工資需要...
我睇唔到一個完整的勞工政策...

引用第17樓liuming於2012-05-02 00:52發表的“”:
我只覺得係苛索無道...
站在勞工的立場，我覺得係...
工作係為左生活，而唔係剝削生活...
.......

通脹係人民幣升值+派6000蚊做成........最低工資影響有限

無最低工資物價咪又係會升

你睇香港既資金流有幾多同內地有關

最低工資佔既成本好有限

人工係其中但唔係構成大部分企業成本既最主要部分

我支持爭取勞工假同銀行假一視同仁

會影響香港競爭力？

引用第17樓liuming於2012-05-02 00:52發表的“”:
我只覺得係苛索無道...
站在勞工的立場，我覺得係...
工作係為左生活，而唔係剝削生活...
.......

咁佢的確係一個以個人政治利益為目的既人

引用第18樓智者於2012-05-02 00:56發表的“”:
通脹係人民幣升值+派6000蚊做成........最低工資影響有限

今次既通脹係全世界性既，個區區六千蚊邊有咁既能力。

最低工資未必就會帶黎通脹，不過就肯定帶黎某D 負面影響。有工無人做，有人無工做既情況會愈黎愈明顯。唔好講數據講資料（因為我冇…… ），講眼睇既。


以前星期日我地有好幾間幫襯開既餐廳，宜家都唔開門做生意了。原因就係最低工資。以前，星期日開，其實無咩生意（工廠區星期日梗係無咩生意），但都開門做生意，一則方便客人二則增加收入，即使無咩錢賺，賺番個皮都好哎。


但最低工資實行後，因為計薪方法有變，星期日開工要比多好多，唔係個日要比多，而係成個計法唔同左，要比多好多。賺埋都唔夠出糧，所以最後索性唔開了。


呢類例子唔係單一的個別例子。彼彼皆是。最低工資下，老闆無錢賺自然連生意都唔做，客人少左選擇，因為最低工資打擊最大既絕對唔係地產霸權同大財團，佢地反而無有怕。打擊最大既其實係小本經營既中小企。我地成日話要幫助小型企業，街坊生意，特別店鋪，但偏偏引入及支持趕絕佢地既政策。


咁工人有冇受惠呢？連工都無得開，你有最低工資又如何？誠然，部分工人的確受惠於最低工資，攞多左。但同時，其實係犧牲另一班工人，連工都無得開的。

引用第18樓智者於2012-05-02 00:56發表的“”:
通脹係人民幣升值+派6000蚊做成........最低工資影響有限

"最低工資影響有限"我不唔係太認同...
當然，如果你睇乙、丙類消費物價指數，可能係...
但甲類la wor，對民生影響甚大，工資不可能係影響有限...
又或者，已經做唔住，摺左，冇得升...

引用第20樓啪啪啪啪啪啪於2012-05-02 01:11發表的“”:
我支持爭取勞工假同銀行假一視同仁

會影響香港競爭力？

假期方面我當然認同要一視同仁...
但你睇新聞，班工會領袖話，工人要養家的同時，都要有quality of life...
我就想問，基層員工裡面有好多係輪班工作(甚至係24小時輪班)，又要星期六日返工...
咁呢D工種又會唔會影響佢地的quality of life?

我只知道，每一個行業的工作性質都唔同...
狹義的要求同銀行假睇齊，係一種近乎盲目的追求...
我以前都講過，最低工資出現之後，就會有最高工時，之後係5天工作制等等...
香港不是外國，香港人需要的係彈性，而唔係將外國的野照抄...

之前張堅庭接受訪問時話自己幾間舖執粒...最大影響不在最低工資 (當時仲傾緊...未實施!)...
而係舖租...佔去成盤生意既6-7成...唔係因為d租捱唔住蝕本的話...都唔會轉移去廣州!

佢話大部份經營都係受租金影響...工人既工資再加多一點點...根本影響不大...

引用第25樓sun於2012-05-02 11:36發表的“”:
之前張堅庭接受訪問時話自己幾間舖執粒...最大影響不在最低工資 (當時仲傾緊...未實施!)...
而係舖租...佔去成盤生意既6-7成...唔係因為d租捱唔住蝕本的話...都唔會轉移去廣州!
佢話大部份經營都係受租金影響...工人既工資再加多一點點...根本影響不大...

當然租金亦係十分關鍵既原因。

引用第23樓freezefox於2012-05-02 10:08發表的“”:
最低工資未必就會帶黎通脹，不過就肯定帶黎某D 負面影響。有工無人做，有人無工做既情況會愈黎愈明顯。唔好講數據講資料（因為我冇…… [表情] ），講眼睇既。
以前星期日我地有好幾間幫襯開既餐廳，宜家都唔開門做生意了。原因就係最低工資。以前，星期日開，其實無咩生意（工廠區星期日梗係無咩生意），但都開門做生意，一則方便客人二則增加收入，即使無咩錢賺，賺番個皮都好哎。
.......

我呢邊都有類同你果d既快餐店...一樣都係假日休息!

原因就好似你話齋...個個都放假又唔會有人行街行去工貿區的話...
做既生意當然係好少好少...

但如果租金貴之餘...開門又要開冷氣又要水費...呢d同時都係一種負擔!

又如果無咩人黎食野...餐廳內既員工一定係有限既分配...絕對唔係平時既數量...

又如果開門只得3幾隻貓入黎...又或者拍烏英的話...比我都唔開啦...

但就未必在最低工資既問題上?

引用第27樓sun於2012-05-02 11:42發表的“”:
我呢邊都有類同你果d既快餐店...一樣都係假日休息!
原因就好似你話齋...個個都放假又唔會有人行街行去工貿區的話...
.......

你諗清楚。



租金係FIX COST！人工係CURRENT COST！


咁你宜家明明個分別係邊？

引用第27樓sun於2012-05-02 11:42發表的“”:
我呢邊都有類同你果d既快餐店...一樣都係假日休息!
原因就好似你話齋...個個都放假又唔會有人行街行去工貿區的話...
.......

有D唔明你講緊咩...