[FACE] 最激對話 G.E.M.自認處女！
記者在週一（ 12日）再致電 G.E.M.，電話訪問全程，鄧媽媽都陪住 G.E.M.接受訪問，自稱同媽媽感情要好無所不談的 G.E.M.當住媽媽面照講戀愛經驗，甚至自爆要留初夜畀未來老公！
F：你會唔會 check住男朋友有冇搞搞震？
G：，我都有睇之前男朋友電話 SMS紀錄，一定會搞清楚佢身邊多唔多女性朋友同行蹤！
F：咁你易唔易呃？
G：唔易 o架我覺得！就算我同之前男朋友拍咗拖差唔多三年，我都冇蝕底畀佢！出街玩，幾夜都好，我都一定返屋企瞓！
F：咁你咪仲係處女？
G：……係 o架……
F：你係唔係諗住要留第一次畀老公呀？
G：都係 o架！
F：咁你諗住幾時結婚？
G：一定要 25歲前，我覺得結婚係一件好開心嘅事，又唔會影響事業！
F：你都未拍拖，咁快諗結婚？
G：我物色緊 o架啦……哈哈……
