【東方日報專訊】徐淑敏（Suki）被指懷孕結婚，其男友黃浩（Kenny）昨終承認此事，揚言女友確實懷有身孕，預產期為五月，並希望可於十二月十三日拉埋天窗！Suki亦已積極籌備婚禮，除向無綫請假一年外，還邀請了六位好友任姊妹團！
徐淑敏去年因不想太快結婚生仔，而跟工程師男友黃重生分手，雖然之後曾跟崔建邦傳緋聞，但都只屬霧水情緣。不過，兩個月前，Suki終找到理想對象，跟飲食界才俊黃浩正式拍拖，據知，媒人正是兩人好友麥玲玲，Suki跟Kenny感情火速發展，還多次到外地遊玩，最近還被指懷有身孕。
麥玲玲做媒兼擇日
Kenny昨日陪伴Suki到婦科診所驗孕，結果證實懷孕，預產期五月，而「榮升」父親的Kenny，當然開心不已，昨日亦首度開腔談及Suki有孕，並指婚期希望在十二月十三日！
昨日有讀者報料指見到Suki與Kenny到中環飲茶，記者聞風而至，確實見到兩人蹤影，其後Suki更到中環某商業大廈睇婦科。記者昨跟Kenny做電話訪問，問到徐淑敏是否有身孕？Kenny大方地表示：「係！（打算幾時結婚？）希望十二月十三日，因為嗰日係好日，依家喺度搵緊地方，未知搵唔搵到。」
雖然懷有身孕，但昨日穿上Tube Dress的Suki離開診所時，仍穿着高踭船鞋，手上亦未見有任何婚戒，而記者上前問及懷孕結婚等問題，Suki只作微笑不予回應，並由男友Kenny保護下，雙雙登上黃色Hummer離開。
據知，十二月十三日乃身為媒人的麥玲玲擇的吉日，昨日記者致電她，她笑言：「係呀，我尋晚（即前晚）仲食咗媒人飯添，佢哋嚟嘅時候仲十指緊扣好恩愛，（點介紹佢哋認識？）一年前我約咗Suki去Kenny間餐廳做訪問，當日佢哋冇交換電話，直至兩個月前，佢哋喺一間餐廳度撞番，Kenny打畀我，問我可唔可以同Suki打個招呼，之後佢哋就交換咗電話，原來Kenny一直暗戀佢嘅。」
請假一年買匡湖居
據悉，Suki為籌備婚禮，已向無綫高層樂易玲請假一年，並邀請了六位好友任姊妹團；婚期方面，十二月十三日確實是好日，但由於Suki擔心見肚，故希望早一點，據知十一月十五、十七都是好日子。至於婚後新居，Suki跟Kenny都希望在港置業築愛巢，理想地點為匡湖居。至於蜜月地點，則正計劃去馬爾代夫，希望享受陽光與海灘。另外，明日徐淑敏將與宋熙年出席公開活動，屆時定必成為追訪目標。
