我唔鐘意套戲, 因為睇到我幾唔開心下...
但成套戲我覺得唔算得上差...甚至我覺得套戲個結構唔錯...
以上反白, 含有嚴重劇透, 請小心
第一, 話不老症好荒謬?
我覺得好多觀眾都相重標準...
Benjamin由老變後生又無人會因為佢\\\\"唔合理"而唔好睇...
反而港產片就話低能...
我個人意見係...
喱個世界有不老症既可能性點都比有Benjamin所患既症大吧?
第二, 夾硬黎, 最尾突然話個仔就係兇手, 毫無伏線
我睇套戲既思路係咁...(唔肯定係編劇既真正舖排)...
首先, 醫生話凌光既慢性中毒係長期進食精神病藥物所致
能夠做到喱一點, 佢個仔所整既蛋糕係嫌疑之一,
加上裝哂鎖都唔能夠阻止個兇手入屋...又係一個提示
但用喱兩點懷疑...明顯係佢老婆機會大D
之不過加埋以下兩點, 我果時已經覺得佢個仔好有問題(當然...我估唔到係不老症,估唔到係佢個仔計劃出黎喇)
首先, 凌光多次覺得自己係真兇, 都係因為個仔
例如個仔比個爛公仔佢睇...太離譜吧?
令凌光比好朋友誤會既...亦係佢個仔...
又囉幅咁既畫出黎...明陰佢...
最後, 有一場戲令我覺得佢個仔"好有問題"
就係有一次凌光想同佢老婆親熱...
佢個仔竟然講大話, 話見到怪獸引佢老婆過去...
一個正常既細路仔點可能咁奸, 點可以識咁樣玩自己個老豆...
另外我覺得套戲最好既地方,
就係佢想帶出黎既MESSAGE....
一個咁正氣凜言,咁有正義感,就黎升警司既凌光...
都會因為種種事件令到佢殺人...
成套戲帶比我既MESSAGE係...人人都會係殺人犯...
如果係我, 我好可能都同樣咁做...
但喱一點亦係我唔鐘意既地方...搞到我好SAD...
不過...套戲表達既方式好差就係真既...眼高手低
既然個細路唔識長大, 點解佢把聲會變老? 個導演真係有點弱智...
而喱一個缺陷就令到好多觀眾覺得兒戲...
令個本來幾好既劇本失色...
所以我覺得錯不在劇本...錯在個表達手法...搞到好睇都變唔好睇....
