影評: 首先警告: 千萬唔好受個名同影評誤導,此片絕非又一套魔戒/哈利波特
千萬唔帶小朋友入場,除非有極強的心理質素
唔想睇驚嚇/血腥場面既人,都唔好入場
除此之外,絕對係一套精彩電影
來自墨西哥導演手筆,講有關西班牙內戰等,已經係對香港觀眾新穎既題材。如此黑色既電影,更加唔常見,連一些接受能力不佳既成年觀眾都未必接受得來,更何況很多唔帶腦入去睇戲既觀眾。片種..我都唔知點分,種之唔會係預期咁樣既魔幻片,因為內容有血腥,暴力,寓言,魔幻,驚嚇種種混合而成。
拍攝上有靚的場面,但不是很多,相反是很多簡單的場景,將整個故事都緊扣在一處地方之上,但你會發覺120分鐘不知不覺就過去了。而直實的手法,就令到一幕幕叫觀眾嘩言的場面出現眼前。
此片深沉得很,或者可以用黑色童話去形容。果種黑暗,深沉感覺,甚至會令你感到有失落,同跟著沉下去。那種嚴重既黑暗感覺正好表達現實的殘酷,而女孩對童話的期盼可解作對現實的逃避同沉醉於幻想世界之中。喻意深長,留給觀眾想像的空間,亦係精彩之處。我諗唔同人對結局都可以有唔同既解讀。配樂十分精彩,不但動聽,而且正好配合整套戲的感覺。
本人評分8/10
[ 本文被奶健^^在2007-05-16 19:50重新編輯 ]
