[日本]老狐遊記：仲夏北海道 [復制鏈接]

出差美國，途經日本，用飛行里數換左張來回北海道既機票，逗留左九日，過左一個頗為愉快的假期。



仲夏北海道

夜逛狸小路 ( @札幌巿 狸小路）



港人到札幌巿最鐘意流連既商店街。由1路到唔知八路定九路，夠你行足一晚。除左好多賣手信既店鋪，亦有林林總總既食店。最重要係有不少年青人係到開檔賣藝，又唱歌又彈結他；又畫畫又占卜，為呢條商業掛帥既商店街添加了幾份自由同藝術既氣息。當札幌巿晚上周圍都烏燈黑火既時候，呢到絕對係你打發時間既好去處。

小樽見鄉情 （@小樽巿）

離札幌不足一個小時車程的小小漁港。以製造玻璃而聞名。巿內有多家玻璃飾物店、音樂盒店等等。充滿浪漫情懷。雖然以做遊客生意為主，但並沒有因此染上庸俗的銅臭味道，仍然保留一份鄉土情懷。當地人都十分親切友善。遊歷其中，叫人感到自在舒服。

運河留倩影 （@小樽巿小樽運河）


遊小樽必到之景點。幾乎所有雜誌介紹小樽既時候都一定放一張運河既相片出黎。可想而知小樽運河係呢個小鎮的重要性。為左影呢幾張MAGIC HOUR 下的運河相，本來五點幾可以回程，都刻意多留兩個小時，為的只是這區區十分鐘的時間。攝影，有時都要講下耐性。

札幌尋戀人 (@札幌- 白之戀人工場）


札幌甜品與拉麵一樣的出名。而大家可能都收過既北海道手信-- 白之戀人，其工場正正係設立係札幌巿。一場黎到，參觀工場既製作既同時，仲可以參加體驗班，由整餅到整蛋糕都有得學。唔預留多一兩個鐘真係唔夠。

惠庭覓羊踪 (@惠庭巿銀河農莊）


惠庭巿離札幌約一個小時的車程。屬於鄉間地方。有多個農場、花園可供遊客參觀。其中銀河農莊飼養左七隻紅爆網絡世界的草泥馬，即羊駝，造型滑稽可愛，無論係帶小朋友黎玩，定係帶女朋友黎探訪，都一定十分受歡迎。

嘗味百果園（仁木町 - 某農場）


仁本町位於小樽與二世古之間。由札幌驅車前往不需要一小時。此地集中了最少三十個參光農場。不同時令有不同出產。士多啤利、車厘子、葡萄……都可以成為任摘任食既對象。唯獨係無北海道最著名既哈密瓜。要任食哈密瓜的話，就要走回頭路去夕張了。

不過要注意，幾乎所有觀光農場的工作人員都係唔識英文的。出發前最好先叫酒店職員為你致電農場打探下情況。

馳騁二世古 （@二世古）



二世古係北海道著名既滑雪勝地，亦係大量外國人聚居既渡假地方。夏天既時候，不同既夏令活動都會為遊客提供。騎馬、激流、熱氣球升空……等等，令二世古冬天夏天同樣精采。

由於騎馬相都見到我屋企人，所以不便上載。以至相不符題了。XD











雨中的二世古，另有一份寧靜。

霧鎖洞爺湖 （@洞爺湖）


北海道著名溫泉聖地之一。幾乎所有酒店都係臨湖而建！酒店昴貴卻的確物有所值。除了可以乘觀光船一覽湖中景致，船上小賣部嬸嬸仲教我地用蝦條黎餵海鷗。結果全程十幾隻海鷗係咁跟住我地黎飛。好不有趣！

另外你亦可以登上湖中小島，探訪北海道的野生蝦夷鹿。或係湖邊散步，欣賞周圍鳥居山廟。湖水清澈見底，當真可謂水清見魚！有相為證，不得不信。

第二天，雨過天晴，洞爺湖的真正面貌，先真真正正咁呈現係我地面前。



呢到其中一間就係我所住既酒店。

於洞爺湖邊遊客觀光亭所見的汽水機！當其時真的頗興奮呢！XD

暫時放住咁多先………其他富良野、美瑛既相未執，得閒先再放。

#5草泥馬?

我鐘意#11

引用第13樓KaiMatthewBot於2011-09-06 13:12發表的“”:
#5草泥馬? [表情]
我鐘意#11 [表情]

係！草泥馬！即係羊駝。專登開足成個鐘車去探佢地架。



11 個張，我係部機到買左成十罐………


但後尾聽人講好似香港都有得買。