為人師表 潑婦罵街 [復制鏈接]

http://www.youtube.com/watch?v=XVlGvtCIbw8
不知所謂

具工聯會背景的余綺華老師暗撐國民教育，被學民思潮召集人黃之鋒同學質疑她將出選立法會教育界工能組別議席，要求她交代立場，余聞指摘即拍枱回應指黃的說法沒有根據，最後­由一同出席論壇的吳美蘭老師說作為老師不應與學生鬧交。

我唔覺得好大問題, 係咪我O既問題

唔理所有背景立場,淨睇條片,問題不大ge,只係eq非常低

老師長學生小, 佢咁樣既表現的確有點兒...

引用第1樓BBF於2012-07-15 23:10發表的“”:
具工聯會背景的余綺華老師暗撐國民教育，被學民思潮召集人黃之鋒同學質疑她將出選立法會教育界工能組別議席，要求她交代立場，余聞指摘即拍枱回應指黃的說法沒有根據，最後­由一同出席論壇的吳美蘭老師說作為老師不應與學生鬧交。
我唔覺得好大問題, 係咪我O既問題 [表情]

作為老師既身份.. 咁既語氣講野都無問題~??
而家拍枱講數咩?! 講道理既人唔應該咁囉

老師既EQ非常低

引用第2樓真秘密於2012-07-15 23:28發表的“”:
唔理所有背景立場,淨睇條片,問題不大ge,只係eq非常低

同意,大家係同一個公開論壇講野仲分話老師唔應該同學生鬧交反而係無放個學生係對等立場,
所以而家既問題只係個老師eq差

佢係拍枱個下失分者。講既野本身就唔係話好大問題。



不過，話時話，出黎論壇，係咪大家都應該放低自己既身份呢？你若然要同人對等，唔好當你學生，咁你都應該同人對等，唔同下下啄人地老師既身份。你話老師唔應該同學生嘈，咁學生亦唔應該同老師嘈既者。一樣架。


大家都放低老師同學生既身份，對等地討論先岩。

不過，潑婦罵街呢個形容就肯定唔多合適了。我唔認為佢咁拍一下張枱就係潑婦罵街者。呢個評論絕不公允。

引用第9樓freezefox於2012-07-16 17:09發表的“”:
佢係拍枱個下失分者。講既野本身就唔係話好大問題。
不過，話時話，出黎論壇，係咪大家都應該放低自己既身份呢？你若然要同人對等，唔好當你學生，咁你都應該同人對等，唔同下下啄人地老師既身份。你話老師唔應該同學生嘈，咁學生亦唔應該同老師嘈既者。一樣架。
.......

我睇直播, 其實拍枱果下無乜留意,
反而佢越講就越激動, 直情俾人覺得係惡, 我覺得果下失分lor

台上既大家都心平氣和, 理性討論, 佢回應果幾下d 語氣真係激動得好犀利
唔理係咪老師, 換轉係黃之鋒係咁, 我都覺得扣分~

引用第11樓tl9189於2012-07-16 22:40發表的“”:
我睇直播, 其實拍枱果下無乜留意,
反而佢越講就越激動, 直情俾人覺得係惡, 我覺得果下失分lor
台上既大家都心平氣和, 理性討論, 佢回應果幾下d 語氣真係激動得好犀利
.......

唔慣比人頂撞！

引用第12樓freezefox於2012-07-16 23:15發表的“”:
唔慣比人頂撞！ [表情] [表情] [表情]

應該話慣左俾人頂撞後要發惡

【明報專訊】余綺華前日於《城市論壇》「拍枱」，指黃之鋒向她查詢是否參選立法會是「不盡不實」，她昨早接受電台訪問時解釋，自己並非拍枱，只是按了枱一下，不過「在這種場合做了這些動作，我都知自己有所不足」。對於是否出選立法會教育界，余綺華強調只是「有諗過」，非「積極考慮」，反指若她最後沒參選，那「是否要班學生向我道歉？」
香港道教聯合會圓玄學院石圍角小學昨在網站發出特別聲明，表示「對於有個別教師，以其個人身分或工會代表出席公開論壇活動，其所作之言論純屬個人意見，與本校無關」。
稱是「按枱」 認「諗過」參選
余綺華否認拍枱 任教校劃清界線

余綺華昨早接受商台節目《在晴朗的一天出發》訪問時表示，她一心於論壇討論國民教育，但黃之鋒卻說出「非事實的東西」，令她不開心，有必要澄清。主持人追問余是否參選，余指現在並非回答時候，城市論壇亦非正式場合去公布，她又多次否認積極考慮參選之說，只說「有諗過」，而無論工聯會首肯與否，她都可自由思考及決定參選。
余接受本報電話查詢時補充，論壇流程一直順暢有禮，但黃發表有關言論時「惡形惡相」，令她感受不到尊重，如黃當她是教師，就不會這樣跟她說話，她又對外界批評她「鬧學生」感委屈，昨早有學生家長主動與她握手表支持，讚揚她於論壇上表現佳。
前日於《城市論壇》寄語「香港老師要有良心」的中學教師吳美蘭，昨在商台節目表示，「有良心」的教師亦會擔心在學校內的「飯碗」，不夠膽發言，但她認為作為教師、「而不是任何人的機器」，應做好把關工作，她期望教育界工會能多擔當組織角色。她認為教師應該用心，以公正態度教育下一代，盼他們能找到平衡點。

http://hk.news.yahoo.com/%E4%BD%99%E7%B6%BA%E8%8F%AF%E5%90%A6%E8%AA%8D%E6%8B%8D%E6%9E%B1-%E4%BB%BB%E6%95%99%E6%A0%A1%E5%8A%83%E6%B8%85%E7%95%8C%E7%B7%9A-210753748.html