Space Invaders塗鴉　政府粗暴鏟走 [復制鏈接]

街頭容不下法國神級藝術家作品
Space Invaders塗鴉　政府粗暴鏟走



【本報訊】特區政府花數以百億元公帑發展西九文化藝術區，卻容不下街頭藝術。被譽為街頭藝術界神枱級人物的法國街頭藝術家「Space Invaders」，其在本港多幅馬賽克街頭塗鴉遭路政署等鏟走，有本土藝術家直斥：「好羞家，好肉酸！只係展現到政府嘅暴政。」

從不以真名和真面目示人的Space Invaders，作品遍佈巴黎街頭，一幅作品隨時能賣上300萬港元。Space Invaders上月悄悄來港在多處留下超過70幅作品，散佈行人天橋、斜坡及大廈外牆等。

他最近接受美國《華爾街日報》訪問時稱，今次作品用上中國經典吉祥色彩的金色和紅色，其中在油麻地一幢舊樓外牆的港產巨星李小龍，是向港人表達敬意，更形容今次是他最有成就的城市空間入侵行動。

不過，其在天后清風街的食鬼作品卻已被鏟除，在附近經營手作小店的本土藝術家Billie稱，該食鬼塗鴉在農曆新年前出現，「見到呢個塗鴉會令人開心，唔少人會停低影相，呢個就係藝術，就係生活，唔一定要去博物館」。

怎料該塗鴉上周「被消失」，她相信是政府所為：「好羞家，好肉酸！我哋展現唔到佢任何藝術，只係展現到政府嘅暴政。」她希望事件不會影響Space Invaders再來港創作。

本報昨視察Space Invaders在港的其他作品，幸暫只有小部份被鏟除，其餘大多仍完好，包括銅鑼灣景龍街海都大廈外牆的打功夫公仔，造型與油麻地的李小龍相若，附近街坊非常欣賞，認為可增添生活趣味。路政署證實，早前接獲報告，指天后英皇道與清風街交界的斜坡被人設置類似瓷磚裝飾，派員查察後安排承建商於本月13日將裝飾物移除。

Space Invaders名字靈感來自七十年代經典日本電子遊戲《Space Invaders》（太空侵略者），遊戲中的太空人圖案成為Space Invaders藝術品的標記。Space又解作空間，Space Invaders的街頭塗鴉，1998年起便繪於不同城市不起眼角落，希望借作品入侵全球公共空間，引起反思；至今在全球逾40個城市留下作品，更於巴黎、羅馬、大阪等辦個人作品展。他2001年來港塗鴉，更「拜見」本港塗鴉界名人「九龍皇帝」曾灶財，更與曾的街頭書法作交叉創作及合照留念。

Space Invaders上月來港在天后清風街留下「食鬼」作品。


廟街舊樓外牆的港產巨星李小龍塗鴉，是他最滿意作品之一。


Space Invaders金鐘紅棉道天橋下的作品仍完好無缺。

有人話係藝術，政府唔應該剷走。

亦有人話係非法塗鴉，唔應該破壞環境。

大家對呢方面有咩睇法......

香港條街夠晒悶啦
D大廈全部一樣咁樣衰

有街頭藝術幾好
不過香港D行政咁死,D人又咁鐘意投訴
好難搞


講完=冇講

ArSo:香港條街夠晒悶啦
D大廈全部一樣咁樣衰
有街頭藝術幾好
不過香港D行政咁死,D人又咁鐘意投訴
....... (2014-02-25 12:36) 

基本上香港係將藝術同賺錢掛勾
有錢搵就當你係好野 (但往往係浪費公帑收場)
街頭既就一概當垃圾 (好似曾灶財既墨寶已經幾乎滅絕)
所以呢批塗鴉都應該係凶多吉少

我個人就認為只要係無傷大雅咪由得佢囉

只可以話，如果你系想留念，好快d去影多幾張相

我覺得冇問題WOR...

J2 星期日早上有個節目講街頭塗鴉，佢地主要係想善用公共空間...
其實好多城市都有街頭塗鴉，亦好反應出O個個城市的風格...

法國街頭藝術家Space Invaders早前來港，留下約70幅馬賽克街頭塗鴉，卻遭路政署等部門鏟走。是次卡拉瓦喬展覽的策展人笑言，港府過份緊張，反而造就藝術品「展出成功」。

藝術家指貽笑大方

法籍的中大藝術系教授韋一空（Frank Vigneron）擔任是次展覽的策展人，他笑言Space Invaders早料政府有此一着，認為由塗鴉到引起輿論，以及令政府不悅而下令清洗，都是「作品的一部份」（part of the artwork）。他笑說多得港府如此緊張，才令Space Invaders是次創作如此成功，就是在法國，也會出現同樣情況。

藝術家周俊輝認為港府欠缺文化視野，不懂得分辨藝術、文化或污染。若有由藝術工作者主導的文化局，就可避免這些問題。他同意政府有某種「潔癖」，令城市過份整齊單一，反而有時政府刻意在某些地方放了某件雕塑，更是對城市的「污染」。他說政府做法貽笑大方，「行內人覺得好嘅作品，政府卻可能視為污染」。

法國著名街頭藝術家「Space Invaders」（太空入侵者）上月「入侵」香港，在街頭巷尾獻上多幅塗鴉作品，但大部份作品「生存」不足一個月，就被政府鏟走，大部份港人都無緣欣賞。堅持「真人不露相」的「Space Invaders」透過電郵接受《蘋果》訪問，指日前從社交網絡得知港府已鏟走其作品，對此感到非常難過，又指他歷年來「入侵」過全球60多個城市，從未見過有當地部門會如此有系統和迅速地鏟走塗鴉作品。

以「Invader」（入侵者）自稱的法國藝術家向《蘋果》表示，今次是繼2001年及2002年，相隔逾10年後第三度訪港。他今次帶來多達48幅作品，比01年的19幅及02年的6幅都要多，形容是「漂亮得分」。然而，他日前從社交網絡得知港府已鏟走作品，感到非常難過。

「Invader」指歷年曾「入侵」過全球60多個城市，一般情況下只有一成作品被破壞或盜走。他又稱，早知道香港政府容不下街頭藝術品，例如「九龍皇帝」曾灶財的作品，幾乎已全被清除。

「Invader」表示，他熱愛香港這個富有活力的城市，因此希望將這些作品送給香港人，讓港人毋需去到博物館和美術館，每日抬起頭都可以發現藝術。

「Invader」認為，香港有很多國際級美術館，灣仔會展每年都舉行巴塞爾藝術展（Art Basel），西九也正在興建「M+博物館」，既然香港有志成為亞洲文化藝術樞紐，應該扭轉過往對待街頭藝術的既有政策。「Invader」質問港府，鏟除街頭藝術作品是想向港人傳遞什麼訊息？又打算留下什麼現代藝術遺產給港人？

從未見過有當地部門會如此有系統和迅速地鏟走塗鴉作品。


呢句係咪讚緊我地有效率？

話時話………佢用咩方法爬到咁高係個D 地方「塗鴉」既呢？

凡事有兩面..........
我其實有d奇怪, 市民點解今次會反應咁大?
其實香港一直有好多人係街頭塗鴉, 當然水準好參差, 有d的確係幾靚的, 但一樣係俾人好快剷走.........
香港本土的塗鴉, 其實都係藝術啫, 點解佢地的作品被剷冇人發聲?
我有點懷疑, 發聲疾呼的, 當中有幾多成係真心可惜政府容不下藝術發展, 有幾多成係羊群效應忽然藝術起來?

麻凡:凡事有兩面..........
我其實有d奇怪, 市民點解今次會反應咁大?
其實香港一直有好多人係街頭塗鴉, 當然水準好參差, 有d的確係幾靚的, 但一樣係俾人好快剷走.........
香港本土的塗鴉, 其實都係藝術啫, 點解佢地的作品被剷冇人發聲?
我有點懷疑, 發聲疾呼的, 當中有幾多成 .. (2014-02-28 14:05) 

其實好睇記者嘅報導手法.....
好似九龍皇帝嘅真跡係無理由剷走.....
但因為無人留意.....
我都係間中經過天星碼頭.....
突然有日見到冇咗.....
至發現原來佢喺香港大部份地方嘅墨寶都被政府消滅咗.....

國球旗:其實好睇記者嘅報導手法.....
好似九龍皇帝嘅真跡係無理由剷走.....
但因為無人留意.....
我都係間中經過天星碼頭.....
....... (2014-02-28 14:08) 

比起呢個太空入侵者，九龍皇帝既墨寶我覺得更加寶貴。