[日本]（遊記）2014日本遊(update 中) [復制鏈接]

本身好鐘意日本呢個地方，東京卅關西卅北海道等較為熱門嘅地方近年都去過了，當時諗諗下，剩低嘅地方其實仲有好多， 就研究下有無方法將一D我想去而又未去過嘅地方，用鐵路或者巴士串連起嚟， 係2014年農曆年實行。

前後構思咗差不多成年， 你哋可能都知，日本鐵路PASS五花八門，就算係關西都成10個8個，最後得出結論係，下面呢張5日PASS幾適合我。

山陽-四國-北九州周遊券


同時又想去一趟中部，即係飛驒高山，白川鄉果頭，呢條路線同上面條線係相反方向，咁就不如就喺中間嘅京都做基地，5日5日咁分開兩個唔同方向嘅TRIP，中間又可以喺京都HEA返幾日。


前後去12日，行程定咗，就到機票，去關西第1時間就諗起樂桃航空，當時大約2013年 6月，未有2014 2月機票，等到7月頭先開賣，叫做買到農曆年旺季機票，但唔平，來回都成3K，行李另計。


後期10月到香港航空重開關西廉航，來回連稅重平咗 ， 只係千五


D相未執，出住幾張白川鄉先，之後慢慢UPDATE

第1日，


樂桃搭凌晨機，到大阪都係未夠6點，JR同南海鐵電已經有得搭，不過我要等到9點先可以買齊幾張pass，JR PASS ７點已經買到，但近鐵pass就好無奈要９點先買到，最重要係得機場先買到，近鐵pass係我第１１日先用得著，呢張pass如果用得其所，簡直可以慳幾萬yen，５日任搭近鐵都係３７００yen，即係港幣３００蚊唔徙洗


詳情
KINTETSU RAIL PASS


7點先食個早餐，買完Pass ，就開始坐JR機場特急 Haruka 去京都，用kansai area 一日pass，呢張pass 2000yen，但搭一程機場特急已經值2800yen了。


第2-6日我會用上面post提過既5 日山陽九州四國PASS（左上角果張），需然唔係第1日用，但可以先劃晒之後5日嘅位， 咁就可以安心當日坐指定席唔需要同人迫了。



1個鐘左右就到左京都站了，再搭京都巴士到酒店，放低行李，由酒店行去河源町，行左陣，就去左金國寺。








徬晚返去祇園附近，夜景真係好靚



經過白川，





太陽已經落山了


鴨川食店街


食過晚飯，已經9點幾，早d返四條酒店休息，明天開始用JR 5日PASS，第1站係，日本三景之一，位於廣島既宮島嚴島神社。

DAY 2 - 廣島。嚴島神社

由新大阪站搭新幹線去廣島，只係大約90分鐘




廣島屬於大站, 所有新幹線列車都會停站, 不過廣島景點唔多, 大家認識就一定係原爆記念館, 其次可能係廣島嘅地面電車




由車站出發, 10分鐘就到咗原爆記念館





裡面好大, 資料好豐富, 英/日對照





睇完後就爭取時間返JR 站搭車去宮島口, 搭JR 船去宮島, 10分鐘船程就到了, 酒店就正正喺碼頭對面, 即時check in就出去, 間房好大下, 幾滿意


好大霧







由碼頭行去嚴島神社, 大約10分鐘，天氣好好，個人覺得宮島好正好寧靜，絕對值得一去

同奈良一樣, 周圍都係鹿










行到夜晚

DAY 3  
朝早行多陣宮島，就搭渡輪返廣島了

臨走前影下間酒店，真係好大，2千蚊唔洗成千幾尺包2餐有溫泉，仲想點






下一站會入住博多，但中途會停一停新岩國站，去睇一睇錦帶橋先。





今日無乜行程，去博多站checkin 酒店，就出黎行下福崗。
福崗JR站，正確叫博多站，但站附近雖然都叫幾旺，但市中心其實係天神一帶。
JR 係博多市區唔多好用，因為地鐵先至係最常用交通工具，由博多站去天神大約3個地鐵站，10分鐘左右，但我建議體力ok既話可以行去天神區，因為會經過運河城，中洲屋台，等地。

屋台






晚餐一風堂本店

第4日會由博多去大分縣既由布院，交通工具當然首選人氣高企既由布院之森。








由布院唔大，起碼出左車站後步行可以到所有景點，沿大街行就可以到各溫泉旅館，由布院連續幾年當選最受OL歡迎既溫泉區，大家睇條街幾靚就知點解



勁好食既卷蛋店，B Speak








行左大約20分鐘，終於到溫泉旅館，間房唔大，晚餐難食 ，但賣點係平得黎有私人風呂





傍晚的金鱗湖，行3分鐘就到。





宵夜

第5日晨早7點出左去旅館旁既金鱗湖，金鱗湖係冷暖水交界，大清早就會出現煙雨凄迷嘅情景。






沿大街離開，去返車站，今日會入住岡山

留位

留位

留位

留位

留位

留位

有野睇！！！！

你D HDR 愈玩愈得心應手喎！

正啊喂
我都想飛日本可以甘平