睇番呢十五場賽事呢六位中場既出場情況，可以得出以下結論：
1. 基本上可以見到，米拉拿斯、尼史密夫、巴克利、DEULOFEU、奧士文，再加多個MCGEADY， 六個人爭三個位！其中MCGEADY 重要性最低，2014 年以來只打過三場正選。其餘通通後備，可以不理。其他個五個人就爭個三個正選爭崩頭。其中米拉拿斯以12次正選排第一；奧斯文10次正選排第二；巴克利8次正選排第三。尼史密夫同DEULOFEU 分別只有3次同4 次打正選。好明顯，整個下半季睇，米拉拿斯、奧斯文、巴克利先係球隊主力正選。尼史密夫同DEULOFEU 只係輔助性質地後備出場居多。
但係，如果只係計算愛華頓近6場6連勝既賽事，咁情況又大大唔同。米拉拿斯只有3 正3 後備；尼史密夫2正4後；巴克利3正3後；DEU 3正3 後；奧斯文5 正1後！即係，只有奧斯文一個係長期正選！其他4 人，都係正選後備各佔一半。輪流替補。呢個唔知係咪馬天尼斯既用人策略，令球員互相競爭，但同時又保持球隊陣式不變！不過暫時睇，成效十分顯注！
2 . 原本一直係球隊必然正選既米拉拿斯，近期竟然都有機會暫列後備。可能有微傷都唔定。近五場都有兩場坐後備席了，有一場仲完全無出過場。對比之前場場正選，呢個係一個好大既改變。不過，我仍然相信佢係愛華頓既最重要球員之一。黎緊幾場都係關鍵賽事。佢一定會持續出場的。問題係，你要騰空個前鋒位比佢，咁就唔係人人做到了。加上佢身價唔平，想加佢入球隊唔係一件易事。
3. DEULOFEU 上緊位。而且直接威脅緊米拉拿斯既正選地位。季初佢有一段時間都有幫愛記出戰，跟手受傷一段時間，直到今年年頭，二月初對熱刺個場再次登場。打左三場後備已經係主場對西咸取得正選。然後跟住個五場聯場入面，三次正選兩次後備。係尋晚個場之前個兩場都係正選黎的。五場波貢獻左一個入球兩個助攻。比起其他中場一D 都唔遜色。
即係，最近十場波中（計埋兩場杯賽），佢四場正選，六場後備；最近五場波，三場正選，兩場後備。就係因為佢，米拉拿斯先會突然有兩場放左係後備席。佢係直接影響米拉拿斯出場機會既球員。
米拉拿斯之前個十幾場波，場場正選的說。就係DEULOFEU 第一次正選個場（即主場對西咸個場），第一次被列後備。仲要後備出場既機會都無。然後最近作客紐卡素同富咸個兩場，個正選都係被DEULOFEU 搶左的。
4. 尼史密夫其實一路都係大後備！只係前一場後備出場入左波，今場就拎到個正選。但今場又有入波，而且有睇場波亦知，佢真係表現得好搶鏡，好出色。所以唔排除下一場繼續打正選既可能性。但我估計都係一場正一場後備。六個幾偷左都仲可以考慮，9蚊唔好諗啦。加少少錢打多個中場好過啦。11、12蚊大把正選既選擇。
5. 奧士文係膽黎既，九成都會有正選。除非傷勢有我地估計之後既變化。不過，奧士文得分能力好低，係眾多愛華頓球員入面，得分力去到榜尾咁滯。有正都未必要買佢。陣容上，馬天尼斯如果出巴克利，就多數收起尼史密夫；出尼史密夫就收起巴克利。2014 年十幾場波入面，只有一次係兩個人同時正選的。個次係因為盧卡古傷左，尼史密夫代替打前鋒。否則，有盧卡古係到，尼史密夫只會打後備。佢打正選個場，就會收起巴克利。平衡番個陣。
米拉拿斯就同DEULOFEU 互換。出米拉就收起DEU，出DEU 就收起米拉。
[ 此帖被freezefox在2014-04-07 16:31重新編輯 ]
