[歐洲]2013歐遊記 ~~(捷克已完成2-4 樓) [復制鏈接]

上年六月去左歐遊, 總日數大約十五日左右, 由於無咩錢同假期有限, 所以難得去咁遠個行程編得比較滿, 而住宿同食野都係以價錢平行先

我依樣本身都唔知, 歐洲個邊日照時間好長, 好多時9 點都仲好光, 所以個行程其實可以用盡D 無咩問題

為左今次旅程大約事前開始上網做功課大約1 個月左右, 大約路線如下:



1. Prague
2. Kutna Hora
3. Česky Krumlov
4. Vienna
5. Salzburg
6. Berchtesgaden
7. Munich
8. Fussen
9. Zurich
10. Lucerne
11. Interlaken
12. Jufraujoch
13. Geneva
14. Paris
15. London

唔好俾咁多地方大到, 當中有D 地方只係轉車站, 可能停左一兩個鐘到, 主要係遊捷奧瑞法英五國, 其實我覺得有D 地方真係一兩日好夠玩, 唔駛太過放時間

住方面成程無住過酒店, 住hostel 為主,酒店好似有一日係瑞士住過一次, 因為周圍都咁貴無分別,最好選一D 包早餐ge ,可以慳番餐

食就夜晚實去餐廳試下當地菜,早餐無包就買麫包, 午餐行到邊食到邊, 可以係小食可以係坐低食

全程都有買下手信又無特別慳住洗, 埋單大約19K-20K, 最貴係交通費, 尤其我去地方多, 如果只集中遊更少地方, 絕對可以更平

希望各位窮人對遊歐有得着

同埋去之前買左部相機EPL-3 , 識影相可以俾D 意見

Prague
我買左BA 來回機票, 七千蚊多D , 第一程去布拉格無直機去,要先到倫敦希思路轉一轉機, 總共搭成13-14 個鐘


城市主要有一邊係城堡區, 一邊就係市內, 但其實不論市內定城堡, 成個市大部分區劃都列左為文化遺產區, 係布拉格一共留左兩日

到達布拉格轉巴士出市區, 發現歐洲唔少國家巴士都係用先買票上車再打票機制, 你夠膽絕對可以唔買



市內:



依個Prague係有名的地標Powder Tower, 成棟野黑到呢...目測應該都可能有十幾層高, 黑個原因唔知係被人炸定真係裝火藥搞到咁


有跑車出租遊市內


市中心廣場, 依度係城市最旺區域




地標天文鐘, 個鐘上下各一個, 下面細緻D個個係某D 時段踏正會有機關睇




大家都等緊夠鐘個一刻,好多人等



可能係流行係個度結婚, 前面賣手信個個阻住哂影相



打鐘個刻除左有鐘聲, 仲有入面個3 格公仔會轉動, 好似D 古老GE 機關咁


廣場四周有幾檔小食




市內:




下一地標係Charles Bridge, 但由於個段時間捷克水災, 為安全起見封左橋, 只可以影兩張留個名




無上過橋唔知度係咪每個像都有唔同, 你睇到咁多我睇到就係咁多



依個側面睇落其實同個火藥塔有些少相似



沿路行番出去特登去影下依個古怪建築物



水災過後, 可以見到個水位都仲係好高



唔多記得係音樂院定大會堂之類的市內建築





上面其實完左一日, 基本上我係跟住市內個地圖, 沿住整個NON 城堡區的文化遺產區行左一個圈, 咁就當然無每條街去哂, 但佢出名GE教堂地標我應該無行漏，　有得入唔駛錢ＧＥ　入哂去
---------------------------------------------------------------------------------------------------------------------------------------------------------

第二日有上半段出左第二個小鎮，　咁我跳左個part 先，　依樓集中講番布拉格

話說第二日番到落黎布拉格係打算集中行埋城堡區, 城堡區最著名莫過於 St. Vitus Cathedral


本身check 左時間表都趕趕地，因為St Vitus 有關門時間, 有諗過搭的士, 但D 司機夾埋獅子開大口, 問左好耐先知點可以用最快最平時間趕到去城堡區(出左香港就發現佢D 轉幾程車其實唔Easy)

遠觀:


城堡區入面有唔少士兵定唔知係警察站崗


跟住正想入去時... 原來個日唔知有咩特別function , 只係上午開放, 平時係收黃昏, 人算不如天算, 真係好難上網做齊功課

唯有係出面J 下, 棟野真係好宏偉, 用我部EPL3 基本上毫無機會影到好多入鏡









<<天使與魔鬼>> 成日都話有的方尖碑真係好易係歐洲揾到



為左補番入唔到教堂損失, 我發現左係教堂有D 附屬ge 高塔可以上, 記憶中10歐定唔知15 歐, 有一塊紀念金牌
一於上去影下相, 全程行樓梯, 行太快絕對會暈, 真係得一個圓圈GE 空間係咁轉住上, 應該行左10-15 分鐘

去到塔頂, 果然係好景色, 望哂成個布拉格(其他建築較矮), 真係紅海屋一片









城堡區附近建築:




穿過城堡區, 就去到所謂的黃金街, 其實係手信街,可借我無野睇得上眼,感覺上布拉格無咩特別得意特產



市內好多人搭ge 電車


食野方面, 侍應話依D 都係地道菜, 我就覺得味道mama





隔離咁啱有人結婚



食完飯去影夜景,無記錯成十點...











入夜廣場區附近仲係好多人

Kutna Hora
其實係布拉格對出一個鎮仔, 搭火車計大約45 分鐘, 個度有出名ge 人骨教堂同聖芭芭拉大教堂


出左火車站要行大約15-20 分鐘, 依個係人骨教堂GE 背面


門口有個唔知咩碑定告示物體




入面其實好細, 但d 真人骨數目真係多得驚人






成個Hogwarts 咁, 後面係山一堆ge 人骨




行一個圈就出發去聖芭芭拉, 其實有車搭, 不過miss 左架車, 唯有行路順便當行埋個鎮, 應該都行左成45 分鐘

街景


中間其實都經過好多有特色又古老ge 商舖, 不過行快步都係想去聖芭芭拉, 行到開始攰就見到



個建築同St Vitus 好唔同, 同樣地,EPL3 好難影哂, 依個教堂感覺好似AOC 世界奇觀

盡力圖:


入去參觀好似4 歐到(記憶),唔算貴

教堂內:








正面圖:


睇完依個係要怒行去搭巴士番火車站去番布拉格, 點知都係錯過St Vitus

試下相機入面d filter 效果:

Cesky Krumlov
離開左布拉格, 去左捷克南邊一個小鎮 Cesky Krumlov,依度都係出名文化遺產之城, 個城的確係好細, 不過都夠行大半日


由布拉格搭平靚正ge Student Agency 出發, 架旅遊巴同坐飛機待遇接近一樣, 有野睇有野飲, 大約坐左2-3 個鐘到




坐到大約中午前到, 終於去到目的地, 圖中右邊高高地個坐就係地標彩繪塔




城入面遊客都佔有唔少, 不過比起布拉格黎講, 算少左好多亞洲人




咁啱有唔知咩節



個度除左話行彩繪塔同城堡區, 個度好多商店都好有特色, 好多時賣GE 野同出面裝潢都幾特別





依間賣鉛筆, D 人話係國營ge , 好多唔同大小咩色都有ge 鉛筆, 我都買左D 做手信



小食



精品


城堡區同彩繪塔





高塔上全景,本身要收錢,我俾左錢後發現有D 人唔俾錢跳閘, 其實唔難







唔知係咪布拉格流行全紅色, 依個小鎮都唔例外


城堡後面有個後花園, 都幾大



晚餐食扖, 大件夾抵食,依個環境加香港食斷估貴至少2-3 倍




依日好輕鬆咁就完, 始終個鎮唔算大, 但係幾有特色

留位

留位

留位

留位

留位

留位

留位

留名等睇，我都PLAN 緊年尾歐遊

          

我揾緊flickr 點直接COPY 個IMG LINK 出黎, 有冇大大打救