[日本]從大阪回來了 [復制鏈接]

小弟會響9月20－24去大阪的。

有d野想請教下大家

小弟落機時間係1230左右（日本時間），住既酒店會響新大阪站，之後我應該去機場旅遊中心買飛，搭 JR Haruka去新大阪站？（我睇番個房東寫教我地搭依架）。另外睇番check in 時間會係16：00。
甘當中既時間，我應該去邊度hea好呢？

由於我只需要計劃好頭2日既行程就可以。我同朋友會一人選擇一個地方去，我朋友揀左奈良公園，我就揀左去心齋橋。所以想問，我應該邊日去邊度會比較方便？

如果由新大阪去奈良，是否搭一程地鐵去難波，之後轉JR去奈良？

如果我直接由機場去奈良，是否搭巴士會比較方便？

我是否直接買關西8達通就可以去晒我同朋友想去既地方了？

謝謝大家幫忙！

12點半到，估計點半左右先可以出到海關拎到行李。係機場食個午餐。兩點半搭車出大阪，去到酒店我估你都差唔到三點半有多了。話唔定已經有房比你了。仲駛咩HEA？

就算真係無房，叫櫃位幫你KEEP 住行李先等你返黎先再攪囉。直接出發啦。唔好浪費時間了。


再唔係，你咪唔好係機場食，直接出酒店，估計你兩點半左右到達，放低行李咪去下個目的地食飯兼行街囉。你應該定左個日去邊架啦係話？

你第一日得番半日時間，就梗係去心齋橋呢類近近地，又有野食又有得行街既地方先啦。

第二日先去奈良啦。奈良可以玩一日或半日，你仲可以黃昏之後返大阪繼續行街食野。奈良有私鐵有JR，視乎你買邊種PASS 再決定你搭邊種交通工具喎。


我就一定只會考慮JR、私鐵呢類交通工具，唔會考慮巴士了。又快又準時又經濟。

freezefox:12點半到，估計點半左右先可以出到海關拎到行李。係機場食個午餐。兩點半搭車出大阪，去到酒店我估你都差唔到三點半有多了。話唔定已經有房比你了。仲駛咩HEA？
就算真係無房，叫櫃位幫你KEEP 住行李先等你返黎先再攪囉。直接出發啦。唔好浪費時間了。
....... (2015-09-07 14:25) 

我都唔記得左食晏tim。。。。


一心諗住去酒店。。。



如果決定左第1日去心齋橋，就可以開始睇下點行同睇下食咩。

freezefox:你第一日得番半日時間，就梗係去心齋橋呢類近近地，又有野食又有得行街既地方先啦。
第二日先去奈良啦。奈良可以玩一日或半日，你仲可以黃昏之後返大阪繼續行街食野。奈良有私鐵有JR，視乎你買邊種PASS 再決定你搭邊種交通工具喎。
....... (2015-09-07 14:28) 

明白∼∼第1日去心齋橋，第2日奈良。

甘買8達通係唔係最方便呀？

仲有呀，奈良公園有冇限開放時間架？我睇書就冇寫，者係應該沒有？

工藤新一:明白∼∼第1日去心齋橋，第2日奈良。
甘買8達通係唔係最方便呀？
....... (2015-09-07 14:42) 

你留係大阪幾日喎，你唔買PASS？

工藤新一:明白∼∼第1日去心齋橋，第2日奈良。
甘買8達通係唔係最方便呀？
....... (2015-09-07 14:42) 

公園都無咩特別開放時間啦，反正你又唔會半夜去既，正正常常日頭時間實開架。

工藤新一:我都唔記得左食晏tim。。。。[表情]
一心諗住去酒店。。。
....... (2015-09-07 14:39) 

另外，如果你要買PASS，係機場攪你預左快則半小時，耐起上黎，排隊可以排成個鐘。呢D 時間都要預。

freezefox:你留係大阪幾日喎，你唔買PASS？ (2015-09-07 15:03) 

我都唔知之後幾日會去邊。。。。。

所以先唔知買唔買好。。。。。

我見8達通好似好多野都包甘，所以就問下。

freezefox:另外，如果你要買PASS，係機場攪你預左快則半小時，耐起上黎，排隊可以排成個鐘。呢D 時間都要預。
 (2015-09-07 15:05) 

收到。。。

工藤新一:我都唔知之後幾日會去邊。。。。。
所以先唔知買唔買好。。。。。
....... (2015-09-07 15:09) 

你唔駛問下架？因住比人賣你豬仔。

freezefox:你唔駛問下架？因住比人賣你豬仔。[表情] (2015-09-07 15:52) 

甘應該又唔會既。。。。

賣左我都搵唔到咩＄啦。。。

朋友個朋友都會走水x，我估9成都會去梅田依d購物區掛。。。。

由大阪去奈良唔係得私鐵一個選擇咋咩?

freezefox:公園都無咩特別開放時間啦，反正你又唔會半夜去既，正正常常日頭時間實開架。 (2015-09-07 15:04) 

不過去得奈良公園就應該去埋隔壁個東大寺同春日大社,呢兩座野就有開放時間