韋拉去，受影響的，不只是防守 [復制鏈接]

阿仙奴中場重心今夏轉投祖雲達斯，
普遍認為阿仙奴脆弱的防守會變得更不堪。
聯賽四場賽事失掉四球，
當中只得一場可保清白之軀已是最佳的證明。

不過，韋拉離去的影響，不僅止於防守上！

近年來，阿仙奴都以悅目、水銀瀉地、有如行雲流水般的攻勢見稱，
然而，一切於今年未復見......

觀乎近數場賽事，阿仙奴仍舊以地面進攻為主，這點是沒有改變的。
至於今季和以往的分別，就於欠缺中路的傳送和突破，反而過份依賴兩側。
原因正是中路沒有了韋拉這位可以轉守為攻的重心人物。

現在中路的施華和法明尼都是工兵型球員，沒有轉守為攻的能耐，
盡其量也只能充當駁腳的工作。

而更重要的是，韋拉和亨利、皮里斯、龍格寶等人的默契，更是隊中無人能及的，
他們根本已經不是以眼目交流，而是實實在在的能感覺到對方的位置，
這並不是胡說，是亨利他們親口所說的。
所以法比加斯雖能作出致命傳送，卻仍代替不了韋拉。

結果，只得左右兩側的進攻路線，令以往多變的進攻模式變得狹窄、單調，
再加上阿仙奴沒有高大擅頂的前鋒，局限於兩側的進襲，就有如隔靴搔癢，
面對密集式防守，再不能左中右右中左左中左中中的搓過沒完沒了，不再有那種可以撕破密集的威力......

韋拉的離隊，帶走了中場第一道屏障，也帶走了那水銀瀉地的進攻。

對! 剛和朋友一起睇完呢場波, 佢話冇左亨利阿記差好遠~
但對於我這位阿記fans, 一睇就知, 最大鑊都係冇左韋拉!
中場冇哂重心, 希比可進攻, 但只限進攻, 冇防守, 而且當佢三番四次企圖突破,
但冇人幫佢(因明顯欠默契), 打到最後佢都變埋軟腳蟹, 而且佢都只係企圖突破,
唔係傳送.........
法比同費明尼.......唉....尤其係費明尼, 唔明點解有個費字的今期都真係特別................
幾個後防更慘不忍睹, 高爾打得極差, 但竟然仲有差過佢--------------就係臥底王施根!
講講下離左題添....唔好意思, 仲之, 冇左韋拉, 買多個亨利都係冇用, 點搞呀雲格?!?!?

雖然開季睇黎有d欠運
但防守的確仲係mama
好想搵返個人專教防守, 尤其係雲加同助教懷斯對防守都係採用mark位, 而唔係人釘人


進攻方面
雖然韋拉離去有一定影響, 但我覺得唔係主因
由上季都見到, 法比+施華既攻力絕對唔差過韋拉+施華
其實明顯ars今年轉左打法, 想彷效車仔打兩翼, 唔想好似以前咁, 不斷走位, 到季中已經無晒力, 兼顧唔到歐聯同聯賽
而實際上ars的確有呢個本錢, 不過改革總是痛苦艱辛的

下面是引用Batigol於2005-09-11 03:03發表的:
雖然開季睇黎有d欠運
但防守的確仲係mama
好想搵返個人專教防守, 尤其係雲加同助教懷斯對防守都係採用mark位, 而唔係人釘人
.......

但進攻的確變得單調左

我唔知係想學車仔定真係冇左韋拉o既影響
好單調
好單調

後備換人入o黎,都改變唔到d咩
當然,呢點係關乎ars陣中有o既人腳都太類似o既問題

當然,我唔係話法比差

佢都係中路上最有潛質代韋拉o既一個
始終佢進攻中場出身
被雲加改成防中o既佢,轉守為攻唔係問題
問題只在於佢冇韋拉同前線各人o既默契
現階段o既法比,係爭呢樣

再吹毛求疵少少
佢護波同身型都冇韋拉咁好
變相個人突破都唔及韋拉

要知道,以前ars係間唔中由韋拉自己帶波殺上去,之後分定射定點,係後話
而法比仔,只有傳

普遍既人都認為韋拉既離去，只係會為阿仙奴帶來後防的危機
無錯，那是事實 。但事實上，韋拉的離去不止於防守上那麼簡單
記得以往阿仙奴在進攻方面有不滯的時候
韋拉便充當了控制戰局與節奏的角色，他會在適當的時候作出傳送 、控球及射門
有的時候更會把球控在角下達十多二十秒之久
此舉就是阿仙奴現在所欠的東西 。
眼看施華、希比、法比加斯及法明尼
都是沒有韋拉那種眼看四週的能力 。 他們往往只會把皮球踢進前方，或單靠盲目前衝便算
完全沒有把形勢看得清清楚楚才行動的意識，所以，阿仙奴現在很多攻勢都是在未射門前已蕩然無存了。
阿仙奴的兩翼，根本很難與他隊相比
皮利斯速度愈來愈慢，根本沒有那種 ''飛'' 的感覺
而龍格堡往往只會斜直線般衝入禁區，或者柏金撞檣，打法直接得很 。
反觀若韋拉在的話，不但可以傳直線直到禁區，而且還能控球在腳，使速度較慢的皮利斯進入危險地帶
又等待到龍格堡待在禁區時才作出傳送
攻勢，往往一刀見血得多 。
現在，永遠都沒有由中路進攻的感覺 。變化已經愈來愈小，他隊亦愈來愈易洞悉阿仙奴所有的攻勢 ……
記得上季末的時候
韋拉都曾經傳送過令人拍案叫絕的直線
那種默契，那種打法，是所有世界級球星欠缺的，無論多幾多個天才新星
也乏善足陳！

韋拉的離去
使阿仙奴不論在攻、守方面都失去了平衡
更令阿仙奴整隊的軍心、戰績每況愈下
作為支持者的我們
眼見球隊失去了水銀瀉地的打法
真的心痛萬分 ……!

[quote]下面是引用迪克於2005-09-11 03:10發表的:

但進攻的確變得單調左

我唔知係想學車仔定真係冇左韋拉o既影響
好單調
.......[/quote
趁韋拉走而變一變都未常唔係一個好事
大勢所趨, 穩守, 簡單先有前途...
隨住柏金下年都榮休, 阿仙奴又要經歷另一新時代
呢兩年將係阿仙奴同球迷最艱苦既時刻

來季若柏金及皮利斯真的離隊的話
我也不知道誰來當控球這個責任了！

下面是引用allen於2005-09-11 03:19發表的:
普遍既人都認為韋拉既離去，只係會為阿仙奴帶來後防的危機
無錯，那是事實 。但事實上，韋拉的離去不止於防守上那麼簡單
記得以往阿仙奴在進攻方面有不滯的時候
韋拉便充當了控制戰局與節奏的角色，他會在適當的時候作出傳送 、控球及射門
有的時候更會把球控在角下達十多二十秒之久
.......

根本就是我的心聲.....

早知叫你寫啦~

hahaha

比我所寫的更細緻啊!

你地真係認為韋拉走對進攻咁大影響?
唔好比呢場矇弊
上年咪又係法比+施華, 一樣成日抄人

下面是引用迪克於2005-09-11 03:22發表的:
根本就是我的心聲.....
早知叫你寫啦~
.......

這根本是所有阿仙奴 FANS 的心聲啊！

下面是引用Batigol於2005-09-11 03:19發表的:
趁韋拉走而變一變都未常唔係一個好事
大勢所趨, 穩守, 簡單先有前途...
隨住柏金下年都榮休, 阿仙奴又要經歷另一新時代
呢兩年將係阿仙奴同球迷最艱苦既時刻
.......

係啊
呢2年過成點,除左要睇ars班新兵點成長
成隊波打法點轉變都好重要
因為舊人離去,要打返幾年o既踢法,都已經冇咩可能
再者,大家都熟晒條路了

正如近幾年o既mu
佢地都開始變完了

下面是引用Batigol於2005-09-11 03:23發表的:
你地真係認為韋拉走對進攻咁大影響?
唔好比呢場矇弊
上年咪又係法比+施華, 一樣成日抄人

少左中路進攻係不爭o既事實吧

或者咁講,炒人唔係重點
攻勢先係問題
宜家的確冇左個種行雲流水般o既攻勢

下面是引用Batigol於2005-09-11 03:23發表的:
你地真係認為韋拉走對進攻咁大影響?
唔好比呢場矇弊
上年咪又係法比+施華, 一樣成日抄人

富咸，防守式不高
所以阿仙奴能攻入四球
反觀車路士 、 米杜士堡等擺明車馬防守形
擺明恰你無組織 …… 就不能抄人了！
只要有球隊同阿仙奴硬鬥硬的話，阿仙奴很大機會會輸

[quote]下面是引用allen於2005-09-11 03:27發表的:


富咸，防守式不高
所以阿仙奴能攻入四球
反觀車路士 、 米杜士堡等穢