麻煩事接踵而來，難免令崔建邦形象受到影響。
崔建邦駛經圖中路段時，遇路障需作酒精測試。
【東方日報專訊】崔建邦之前涉毆打女友鄺敏慧事件告一段落，然而一波剛平，一波又起，昨日他再因涉醉駕被捕，事後他坦言知道自己犯錯，後悔不已，承諾今後一定不會再犯。至於樂隊Mr.主音布志綸之前捲入桃色糾紛，他表示收到警方電話，叫他交代事情。
崔建邦之前因涉毆打女友鄺敏慧引起軒然大波，最終獲撤銷控罪，准自簽五千元，不留案底兼守行為一年。此事雖告一段落，但昨日有讀者報料，指崔建邦駕車駛經將軍澳時，因「吹波波」酒精測試超標，據知當時他即被警方帶返警署「吹大機」，涉嫌醉駕被拘捕，下月要再返警署報到。
飯局曾喝啤酒
昨日記者致電崔建邦，他承認此事，並指因為當晚與一班幕後工作人員吃飯，大家很久沒見，故飯聚期間，大家開心地暢飲啤酒，他坦言吃完飯後，都坐了一段時間才駕車離開，並自稱當時一點醉意都沒有，自覺情況許可下才自行駕其mini cooper座駕返家。
崔建邦憶述當時情形謂：「我哋喺尖沙咀食飯，之後我自己揸車返屋企，去到將軍澳隧道口時，畀警員路障抽車檢查，吹波波時指數輕微超標，有三十幾度。（當時有冇超速？）冇超速，我都唔係飲咗好多，只係飲咗啲啤酒，亦冇醉意，不過我都覺得今次自己唔啱，飲咗酒係絕對唔可以揸車，呢樣嘢冇得講，今次係一個懲罰，我應承以後都唔會。」
已向無綫備案
問他過往曾否飲酒駕車？他說：「冇，通常飲咗酒自己都會擺低架車唔揸，從未試過咁，以後都唔會。」問崔建邦會否擔心令形象再次受損？他認真的說：「我已經一路好檢點自己嘅生活，今次真係一時大意，亦感到好後悔，真係承諾以後都唔會。（有否同公司備案？）有，公司叫我如實將件事講出嚟，要知道今次係自己犯錯，最緊要係知錯，唔好再犯。」
文：影視組
http://ent.sina.com.hk/cgi-bin/nw/show.cgi/2/3/1/535038/1.html又再犯事.............叫人點幫你呀???
