ODIN:咩立場?
我主要係比較抗拒馬後炮 (即係話李卓人冇中產票，應該要搵後生仔出選o個D)
.......
(2018-11-28 11:49) 
第一：如果今時今日，都仲有人認為，指責泛民﹐特別係民主黨唔著重培育年青接班人，係一種馬後炮既言論。咁我就真係唔知「馬後炮」呢三個字係點定義了。講左咁多年，批評左咁多年，都叫馬後炮？難道要係民主黨創黨之前就講定個D 先唔叫馬後炮？究竟大家所講既馬後炮係咪同一個意思？
我地應該話，指責民主黨今時今日仲要靠一班元老出黎選，已經係一個老掉牙既命題，講到爛，講到臭了！仲駛鬼次次拎出黎講咩？咁我反而會接受D 囉。
第二：你鐘唔鐘意李卓人，投唔投佢一票。同九西選民會唔會投佢一票，有咩關係？好老實，我有票，我都會投李卓人。因為我根本無得揀。鑊鑊都要含！含左咁多年，都仲係要含！但唔係人人都肯無了期咁含落去的！你同我都會投李卓人。但更多既選民唔會囉。佢宜家唔係無票呀，九萬幾票架！入面分分鐘有一半人唔想投佢但都被迫投左佢架啦。但宜家九萬票都唔夠贏哎嘛！你下下食老本，係食得咁多架咋。繼續食老本，下次咪得番六萬票，五萬票囉。
第三，處理基哥既問題，呢到個個都係咁睇架啦。呢到有邊個支持過佢？
你上面講既野，基本上同我地講既，九成九一樣。唯一一樣有機會唔同的，就只有「話李卓人冇中產票，應該要搵後生仔出選o個D」你係持相反意見的。但即係點呢？你反對呢個講法，但你既結論係咩呢？可以有兩個不同結論：
1。搵後生仔出黎選一樣，無分別！都係輸哂！一開始，搵邊個選都無分別，都係死路一條！
2。搵李卓人出黎選係正確的！今次輸，罪不在李卓人，而係XXXXXXXXXXX（請詳細論述）。
呢個就係我所謂，一味用反問句反問人地，但又從來唔講自己有咩睇法既最大毛病。最無癮既討論。你唔認同我既講法。無問題，好正常。咁你講出你既睇法囉。大家討論下。雖然幾乎肯定九成九係無結論。但討論之間，至少都可以聽到另一個睇法，另一D 諗法。但一味反問，你答完一個，佢又再反問一次。不斷的反問，除左不斷既質疑你之外，卻由頭到尾都無講過自己既睇法或立場或建議，呢樣真係最無聊。
你抗拒馬後炮，但卻唔願意提出你既真知卓見。咁其實咪又係另一種馬後炮。
