引用第52樓ArSo於2010-06-28 18:50發表的“”:
例如呢球有冇foul 嘈緊要睇果面反擊入波
最簡單例子
呢個就係足球既連貫性
.......
AGREE.
如果好似尋晚germany vs england嘅case,
假設lampard球波彈返出黎, 係一個germany counter, 5打2嘅反擊嘅機會, 咁england見唔對路, 就嗌停stop左人地. 好喇, 睇完replay, 球波真係唔入, 咁嗌停左, 對面咪就少左個5打2嘅反擊機會? 咁又公平嗎?
(以上situation純粹假設, 但絕對有可能發生) 另外之前亦有人提到, 如果咁樣叫停, 打斷人地道氣, 咁又點計? 由此可見, 加左technology唔係就一定解決到問題+唔會產生其他問題.
仲有, 一場可以嗌停幾多次?
咩時間可以嗌停?
邊個有權嗌?
邊d情況為之"有爭議"而可以嗌停? (而家90+1min, 有一邊領先緊1-0, 求其有d事就嗌停, 換走晒兩個前鋒, 換入兩個後衛. 襯大家replay睇嘅時間, 教練就叫晒d人埋黎, 俾球員飲下水, 講下最後一分鐘點守埋佢?)
有一邊唔服個判決, 嗌停左, 好喇, 判決完, 另一邊又唔服個判決咁又點? 又再睇? 到兩邊agree為止? 講真就算有得睇, 有時大家都會有唔同意見啦. 仲記得季尾man u vs chelsea嗰場嗎? macheda有冇用手? 大家睇完, 咪一樣有d話有, 有d話冇 (係真心覺得係嗰隻)? 1966年final, 睇到而家, 44年, 都仲有人話過左白界, 有d又話冇, 咁點算? 嗰球係world cup final, extra time緊, 我地要等幾耐俾佢地判? 你估判完會唔會兩邊都滿意? 咁呢個情況referee係咪仲難做?
我而家就咁打, 都諗到幾個情況啦, 如果真係實行, 肯定仲多事發生..... 係咪?
至於公平呢方面, 唔係話準確嘅判斷有助提升球員嘅能力. 講緊嘅係大家係咪都可以喺同一set rules下比賽嘅分別. football本身係草根, 基層嘅運動, 唔同high class d, 好似tennis, golf咁. 如果你話有錢d就可以有呢d technology, 冇錢就你嘅事, 咁, 我諗對好多參與緊低組別d嘅足球運動嘅人黎講會唔太公平.要記住, 足球嘅原意, 同其他運動一樣, 係俾參與嘅人去享受. 作為觀眾, 當然都希望可以享受, 但要知道, d rules係為個運動本身而設, 唔係為觀眾而設. 所以如果大家係從睇波角度去諗, 咁我諗有少少搞錯左喇.
我而家唔係話唔用technology一定好d, 不過如果要廣泛應用, 實在喺好多方面都仲有好多問題要解決. 所以我覺得咁樣harsh FIFA其實係多左少少. 冇錯現行制度係有問題, 咁但係用technology, 一樣會帶黎新嘅問題. 如果一見有問題就朝令夕改, 咁, 都唔見得係一個好嘅organisation應有嘅作風.
因此相對而言, 我覺得每邊加一個底線旁證係一個更可行, 更值得考慮嘅做法.
