羅力亞:一玩fantasy就好大壓力個人好唔開心
但就好似斯德哥爾摩咁
最後又係玩。。。
好辛苦好似中毒咁
(2021-06-12 05:00) 
分享一下，我都好喜歡玩fantasy，我都鍾意高分唔鍾意低分
但好大樂趣根本唔需要有壓力。例如我用比D既恩斯治尼搏到入波，就算最終也少一兩分過貴D既恩莫比利，已經開心左
又舉例我唔喜歡某強隊，我係都唔用佢地人，但我會諗「我就搵個我覺得有機會既弱隊球員同果個強隊比拚」，呢d已經樂趣了。最終結果我地又控制唔到既。
又打個比喻，我買首名入球前簡單睇維基睇下d人代表國家上陣次數同入球，最終果日有買到16倍Max，唔係中柱反彈當OG我已經中左了，所以佢中柱定入波我地控制唔到既，但我已經可以話畀自己知有眼光但可惜，然後同朋友呻左下「頂」就過去了。
總結好多人都從YFF開始玩經理人至今成廿年，就算係幾勤力都好，唔代表你係最優秀果個(當然勤分析又無感情因素，成績自然又保證)，所以唔好每次低分過人/用左一個低分球員/無用一個爆分球員就有不甘心甚至恥辱感，遊戲樂趣自然長玩長有。 三人行必有我師焉，世界很大，有人高分過自己係必然，但自己玩得出成績就是興奮。
我還記得上屆WC，我呢個撐英反比利時人成個賽期近乎拒用比利時人都玩到全好友第二(全港唔記得第二定三)，就知遊戲帶畀我地既係樂趣而唔係壓力。今周失利下周又一條好漢，爽呀！
