剛剛睇返晒....
大家出發點唔同, 呢點我明....
但都仲有d野可能未講解得清楚....
前面liuming提到, 進步/退步呢點, 同埋同時代脫節呢點, 唔見有回應...
但最大問題應該都係"引起混亂"呢點....
唔批准改名時, 有提到改名會"引起混亂".... 我覺得, 無論你咩原因改名, 方便登入又好, 同其他人太似又好, 改返"原名"又好, 總之一改名, 就會有所謂"引起混亂", "人地唔知你係邊個"呢d情況出現架啦, 係咪?
但, 如果大家係活躍會員, 或者上得比較頻密嘅, 咁都會從唔同渠道知道某某改左名, 從而冇左"唔知佢係邊個"呢個問題.... 至於2, 3個月都唔上黎一次嘅, 佢地就多數人都唔太認得, 又或者係唔志在從普通網友嘅層面 / 關係再進一步架啦, 咁其他會員改唔改名, 佢地仲認唔認得改左名嘅會員, 對佢地黎講冇大影響....
即係舉個例, 上得唔密嘅人, seattleqoo呢個名, 同love呢個名, 對佢地黎講都係一樣, 如果唔多識呢個人, 根本冇影響. 至於熟d嘅, 事到如今, 我諗其實大部份人都已經唔會唔知佢 (打算) 改呢個名 (eg. 有睇呢個改名post / 現實中有聯絡 / 有從其他會員或其他post之中得知 etc.).... 咁"引起混亂"嘅情況到底會喺邊到出現呢? 當然, 接唔接受到佢個新名, 就係另一件事 - 即係, 次次fb有新野改動, 我地都嘈一餐架啦, 跟住咪又係繼續用.... 呢個係人嘅本性.... 但同"引起混亂"無關....
至於往後會唔會有其他人一窩蜂咁去改, 正如前面嘅posts提到, 呢個情況係已經講左係唔批, 而且一窩蜂咁去改, 真係就算我地上得密d嘅, 都有機會混淆左佢地, 所以唔准亦係以我所見大部份人理解+同意嘅. 呢個亦係前面講到球員名又好, 雞脾牛脾又好所牽涉嘅問題. 但耐唔耐有一個半個會員想改名, 我覺得唔會點構成"引起混亂"....
所以我認為, 改名原因嘅準則仍然有問題存在, 但改名嘅原因呢一點, 其實任何人都可以輕鬆諗到10個8個, 所以以提供一個改名原因去定奪o唔ok, 同埋會唔會引起混亂, 實在係解決唔到問題....
同埋由始至終, 其實我都想知, 究竟除左要避免"一窩蜂"改名事件再現之外, 係咪就只得"引起混亂"呢個原因要收緊改名制度? 因為如果再有其他原因, 可能好多人都唔知....
