大家可能對熱刺有保留，呢樣我都明，但同時間又會唔會太高估般尼呢隊波呢？
般尼作客七場 1 勝 2 和 4 負、入 4 球失 13 球，其實都唔好得去邊度
成績，我覺得都係其次，因為玩 YFF，唔係剩睇呢樣去決定邊隊既人買得過卅買唔過，其實有好多 stats 更值得我地參考
舉個例：「平均每場被攻門次數」 （Shots conceded per game），某程度上反映一隊的打法及防守能力，如果個次數係好多既，即係可能表示呢隊波打法有前無後，又或者本身防守好差，先俾對方有咁多攻門
般尼作客平均俾對面射 18.4 次，係英超屬第三高，試過有一場（作客對阿仙奴）被攻門 32 次，當中有 12 次係中龍
另外，控球指數（Possession%）亦可以留意下
有睇波都知係咩黎，可以令大家大概估計到某一隊的 style
有 d 控球指數好高，成場禁住對面踢；有 d 控球指數好低，可能傾向穩守突擊、吊高波
有時候，我地未必需要去理某一隊贏唔贏到，最緊要係場波發展有利自己買既人得分
