posouth:呢D時候又諗起子華, 點解我串魚蛋少過人地兩粒, 唔公平. 唏! 我唔要你俾返兩粒我, 我要你羅走佢兩粒, 大家都少兩粒, 大家都食得好唔開心咁, 咁就公平喇.
我地呢一代, 起碼見過咩係自由(唔話民主因為英治時都唔係好算好民主), 聞過自由的空氣, 當一步步失去時, 好聞得出唔同Ø ..
(2019-09-05 10:32) 
係呀, 我好多時同親人朋友討論時, 我都係話, 唔好太怪責內地人的言論。
雖然我聽到時都會好嬲, 但我明白佢地咁講因為佢地好多野都唔知, 唔明。
首先, 正如你所說, 佢地一直都無民主自由, 根本唔知係乜, 但佢地切身感受到的是, 而家既生活, 係幾十年來, 幾代人都說, 從來未試過咁富足繁華, 而家既內地生活, 對佢地來說的確係進步頂級。 而佢地"無左"既野? 一直都無, 唔存在"無左"。
其他當然係封閉的消息同洗腦教育, 所以佢唔明我地追求緊乜, 佢地覺得生活穩定滿足已經難能可貴, 仲要求乜? 最老土果句, 夏蟲語冰, 點講都唔會明, 所以唔可以太怪責佢地。
佢地而家覺得佢地多左好多魚旦, 而我地就被拿走了好多, 佢地佢地好多時沾沾自喜就係咁。1串5粒, 佢地而家有10粒, 我地得返3粒, 我地超越你地了, 仲什麼民主自由, 正港燦。
佢地唔明, 我地其實無所謂, 你超越左恭喜你, 我地唔介意, 我地唔係要10粒, 我地只係想維持5粒..............
