反對修訂《逃犯條例》消息分享區 [復制鏈接]

DEL

[quote]太伊:


完全同意, 就算真係成立了調查委員會, 在現在的政治氣氛下, 政府已經不怕輿論, 7婆會委任咩人去成為調查員? 到時只會比沙中線醜聞更爛, 故意拖延, 模糊調查焦點, 經年累月下的淡化事件..............

不過, 雖然最終應該無乜用, 但呢個時候, 成唔成立獨委會, 已經唔係只係講最終有無作用, 仲係政府及中共的政治面子問題, 亦會令到社會氣氛逆轉, 警察及藍絲們會覺得被出賣, 示威者士氣會大振, 政府不會樂見。

所以即使最終無用, 我都覺得能夠成立獨委會比不成立一定會好一點, 而且政治既野話唔埋, 萬一調查期間, 國際狀況有變, 中共須要暫時懷柔, 咁港府的強硬態度也要收下, 無牙的獨委會可能突然變成尚方寶劍都未定..............

DEL

呢場仗一開始就係強弱分明, 都預左無得打, 其實連班後生都知, 勇武派唔只一次講係"預左死"的心態出來, 之後發展仲要比一開始所預估的更惡劣, 警察的無恥極權程度係我地始料不及, 中共態度明顯支持強硬的警暴, 其實根本無得玩。

的確, 上街, 遊行都無用, 縱火,罷課, 罷工, 人鏈, 跳閘都係無用的, 你認為有用就太天真了。

但, 唔可以唔做!

我地的形勢特殊, 係全世界都搵唔到的, 如果係民主國家, 政府為首的幾個, 係1百萬,2百萬遊行時已經一早落左台, 係極權國家, 我地也一早被鎮壓了。偏偏我地就可以一直撐到而家, 撐到全球都關注, 我地呢班後生仔, 已經贏得唔少國際掌聲, 甚至有提名和平獎的聲音。


呢D聲音, 正正大大力打了中共一巴掌, 我地擦亮了全球的眼睛, 即使我地最後輸了, 仍輸得有風骨, 中共用咩手段都遮蓋唔到呢段曆史。

曾經, 有一班叫香港人的民族, 在一個艱難的時刻, 展現了他們潛力無限, 勇氣無比, 正直凜然的風骨!

鄺囝遇襲受傷

麻凡:呢場仗一開始就係強弱分明, 都預左無得打, 其實連班後生都知, 勇武派唔只一次講係"預左死"的心態出來, 之後發展仲要比一開始所預估的更惡劣, 警察的無恥極權程度係我地始料不及, 中共態度明顯支持強硬的警暴, 其實根本無得玩。
的確, 上街, 遊行都無用, 縱火,罷課, 罷 .. (2019-09-24 10:32) 

狠心啲講，無左自由既將來，共產黨既國際聲譽都要陪葬

同意，呢幾個月發生既野，一定要係歷史上留名

Gabriel:狠心啲講，無左自由既將來，共產黨既國際聲譽都要陪葬
同意，呢幾個月發生既野，一定要係歷史上留名
....... (2019-09-24 10:58) 

但代價太大了，尤其班後生仔。仲有我地既下一代...

搞返清楚，成立獨委會係政府做主導既事
而其餘所提既所有野，都係香港人做主導既事！

而家係政府已經失效，佢地再成立咩野會都唔會有佢既功效，係0功用
但香港人做既其他野，都係畀外界，畀國際睇，而家係要靠一班市民去打，去爭取一D政府冇可能做到既野

要有機會贏，就唔可能再期望香港政府做主導既拖延戰術！

所以寧願等佢成立個冇意思既委員會，就寧願爭取外國既支持，爭取攬住一齊炒
因為香港炒，就梗左架啦。


BTW, 鄺俊宇遇襲。
可以預見好快有知名既人畀惡勢力隊冧架啦。

wayne_07:鄺囝遇襲受傷[表情]  (2019-09-24 10:57) 

https://thestandnews.com/politics/%E9%84%BA%E4%BF%8A%E5%AE%87%E9%81%87%E8%A5%B2%E9%80%81%E9%99%A2/#.XYmGEntcOGQ.facebook

民主黨立法會議員鄺俊宇今早在天水圍濕地公園附近遇襲，送往天水圍醫院救治。

鄺俊宇的民主黨友兼立法會議員林卓廷和涂謹申向傳媒表示，已與鄺通電話，鄺指是在今早約十時，在天水圍濕地公園附近健康院停車場取車時，被三名男子伏擊，遭拳打腳踢，包括後頸被踢到，其中一名施襲者人持攝錄機拍攝襲擊過程。

涂謹申指，施襲者拍攝打人過程，顯示事件或是有預謀的買兇傷人。

仲要邊行兇邊拍低!
擺明賣兇! 下次殺人啦笨!

我覺得最後有冇委員會唔重要
中共就係同班差佬講全力支持,所以先黑到咁
變相話左打死人都冇事
你而家問我,我一定話解散警隊,尼幾個月除左個d"自殺"案,可以話無其他案,咁我唔要黑警都得啦

我地對黑警越反感,到時中共用武警/公安取締個時,越多人接受到
之前警隊身為亞洲第一,好難郁到佢地,今次真係好大個餐士
英制警隊始終唔係中共杯茶

如果宣布左會成立獨委會，先唔講將來有冇可能追究到今日犯左法既黑警，即時既效果一定係大大限制左班黑警宜家既暴力行為，違法行為。佢地之所以可以咁放肇，係因為相信有人係背後支持，做咩都唔會被追究。當然，大家都知道，呢個想法係白痴得可憐。只要有需要，呢班黑警任何時間都可以拎出黎做棄卒。無任何一個權貴會保佢地。今日只係要搵佢地黎做爛頭卒，先會任佢地橫行。 有一日社會要「回歸和譜」，要搵人出黎祭旗，就算你話做SHOW 都好，你話會搵邊個？

如果獨委會無用，黑警會唔會咁緊張？一有風聲話會成立獨委會就發哂茅？ 佢地真係唔驚？點可能唔驚？只要一成立獨委員，邊個可以保證拎出黎祭旗個個唔係自己？你知道有風險個陣，你仲會唔會下下都去到咁盡？仲會唔會幾十支鏡頭對住你都照打落去？


獨委會的確唔可能解決宜家既社會問題，我亦唔相信佢可以解決警隊腐化既問題。但至少，佢可以壓一壓黑警既氣炎！可以稍稍令黑警濫權時有所顧慮。



情況等如你宜家病左，發高燒。你食退燒藥係醫唔到你既病的。因為發燒唔係病，係病徵。但你仍然會食退燒藥。 獨委會尤如退燒藥，醫唔到病的。但可以退一退燒。 否則，再燒落去就隨時燒壞腦的了。

荃灣浮屍單野真係好心寒
浮屍仲出緊血，尋晚已經有人預言今日會有屍體發現........

迪克:荃灣浮屍單野真係好心寒
浮屍仲出緊血，尋晚已經有人預言今日會有屍體發現........ (2019-09-24 15:23) 

每個週末就係咁拉人, 週初就周圍有屍體............

如果而家係戰亂, 我都明, 但社會仍然正常運作, 尤其係藍絲, 簡直歌舞昇平..........

777落區, 而家應該去左葵興kcc~~