freezefox:老老實實，我暫時真係對今季既收購唔太睇好。
尤其比較阿仙奴、車路士等，佢地明顯地都有強化到自己球隊，針對上季既弱點黎買人。就算係曼聯，都感覺會有大改動（曼聯黎緊仲有可能繼續買人）。
.......
(2014-07-28 11:15) 
我反而覺得今季既收購大部份都係對症下藥喎。
上年plan A唔work既時候後備無球員可以帶到第二種元素入黎，就買Lambert番黎，既可以做到target man，同時佢亦都成日墮後做助攻。
上年軒達臣停賽期間中場即刻少咁隻有番咁上下大隻既電兔，又買入Emre Can。而Lallana明顯亦都係睇中佢積極防守既意識同走上走落既頻率，同時又可以比到啲具侵略性既傳球，呢兩個都好岩用黎打Rodgers心目中個套中前場逼搶、快速反擊既戰術。
Lovren我覺得係最重要既收購。Skrtel上年表現算係出色，仲貢獻唔少入球，但最大既問題係佢慣性縮後「降」住對方，結果人地愈推愈有，一個遠射或者斜線就入波；甚至乎受壓既時候都推唔番條防線上前，結果不斷受壓比人亂戰射入。就算今朝個場熱身賽都有咁既情況，呢個係意識上既問題。Lovren黎到應該可以做到統率後防個個角色，而且如果佢同Sakho夾到都真係一個幾唔錯既配搭。
Markovic我相信係睇中佢既潛質，博兩三年後可以做到主力，就暫時不作評論。
