下面是引用muly621於2006-03-07 01:26發表的:
做咩打咁大氣既？
.
今朝趕出門，唔得閒講太多。宜家逐樣同你傾。
1. 做咩打咁大氣既？
一般黎講只係餵食個陣先打氣。用意係用d氣泡阻住個入水位，等d片糧唔會咁快就比個滴漏吸走哂。但同時我又引左一條喉入沙缸，係沙缸打氣。用意係增加含氧量，令銷化細菌既功能加大。因為銷化細菌屬好氧性細菌，進行銷化作用時會大量消耗氧氣。
但有魚鋪係主張24小時打氣！
我買開野個間就話唔駛。我都唔知聽邊個好。
不過，觀察所得，似乎長開氧氣個段時間，d魚同珊瑚既狀態又真係好似好d。但無統計無數據無資料，斷估。不作得準。我懷疑同ph值既維持有關。入夜關燈後，水草之類既物體會由吸二氧化炭變成吸氧氣。同其他生物搶氧氣。水既含氧量低左，所以酸鹼值低埋，影響水質。呢方面我都要再睇下書，問下人。唔多肯定。
所以宜家既做法，都係間唔中打下氣，間唔中停下咁。
遲d除非我加套ph值既數據機，若則係唔會知到個原因係咪真係我估計咁。
2. 條天皇仙易唔易開口呀？
答左。人地養既都好難開口。我呢條比我撞手神開到口。
3. 加左好多生物石、珊瑚
呢點正正反映我無方向，無宗旨………
之前一直係諗住養魚。加生物石ok，但珊瑚就非我所料。你睇我個缸既設計就知。咁鬼高身（30吋），根本唔方便養珊瑚。因為養珊瑚成日要落手整野，宜家我下下要擔梯先可以整理d珊瑚……另外，缸身太高，亦不利照射，唔用腦素燈，用t5管已經照唔到底。谷住用腦素。
衰自己把持唔住。見到d水珊瑚靚，又無做功課又無查書就買住先。結果買下一舊，買下一舊……就攪成咁。宜家個缸不論不類，又唔係珊瑚缸，又唔係純魚缸……
4. 有無用水冷？
宜家未。但相信走唔luck。家下冬天個水溫都竟然keep係28度……試問遲d夏天，缸水會點？
5. 我都開左個17吋海水缸1個月
咩環境？
用咩過濾？喉底架？滴漏糟？開始養魚未？定係仲養緊水？
有冇買生物石？未買既話，我有一到地方買生物石超一流同超平既，可以介紹你。
5. 我目標係仙魚、碟魚同珊瑚、軟體共養
超難！
魚同軟體混養。已經好難。因為兩者既要求岩岩相反。例如魚要多餵食，但多餵食會令水既no3提升，魚可能無野。但珊瑚唔掂。就no3唔升，磷酸鹽po4都一定積聚。呢樣野仲麻煩過no3。no3都可以靠養幾棵草吸下，po4都唔知可以用咩黎攪。
又例如溫度。大部分珊瑚、軟體要求24度水。最好唔過26。28已經係頂點之中頂點。但又好多珊瑚要求光照。等佢既共生藻可以提供養料比佢（好似紫點葵之類）。長期光照，又養生藻（苔），又易令水溫升高。
最煩最煩係，你想養既仙同蝶，好多都對軟體、珊瑚有攻擊性。我岩岩加左條豆是蝶，開頭都無野，岩岩尋日一日間，將我成舊水買番黎既髮絲草（右上角好綠，好綠個舊）咬過清光！你話佢食左我都無咁嬲。但睇黎，佢係淨咬但唔食囉。否則，一條一吋長既魚，點可能一日間食哂一舊4吋x3吋既石面上密佈既水草？所以一養蝶同仙，有心理預備你有好多軟體或珊瑚都唔養得。
你可能話，你夠仙、蝶、珊瑚共養啦……
哎……所以我極有可能會變成你既借鏡………
宜家係災難未成者，未必代表一定無事既。
不過，有一點可以參考。真係要共養，盡量養d細種神仙，或好細條既神仙。殺傷力無咁大，真係破壞起上黎，都仲頂得住。
