留意，二月初去，大阪都仲係好凍下。
1. 想問下有咩景點推介?
咁問好籠統喎。你自己會唔會有咩心水？又或者喜歡邊類型既景點？鐘唔鐘意浸溫泉，怕唔怕搬酒店，搭長途車？好多野要了解左先知點比意見。
2.奈良鹿會唔會太凍唔出現?
唔會。凍都要出黎搵食架！
3. 心X橋去唔去好?
第一次去大阪，當然要去。其實只要你住係大阪，無咩野你都好難唔去呢到。因為食野呀，行街呀，尤其係行夜街，你唔去呢到基本上都無咩太多其他選擇。梅田行百貨公司多。好似都有地上街，不過規模無心齋橋呢邊咁大。
4. 櫻花有邊到有得睇? 邊度景靚?
二月就無櫻花的了。至於睇景，你想睇咩類型既景先？山水湖泊寺廟觀？
5. 有無咩酒店推介?
呢個等你定左大概行程再諗。仲有，你會唔去第二個區玩？例如和歌山、白濱、神戶、京都等等。
6. 帶幾多日元去先掂?
呢個真係唔識答………點都好，最少都要有幾萬YEN 磅下身。唔係到到都可以簽卡的。
7.. 有咩美食推介?
太多。都係個句，你定左個大概行程，再係個個地區搵食都未遲。大阪、神戶、和歌山各地有不同美食。同埋，唔駛一定要去D 港人熱點食的。我成日覺得，有時真係吹大左。無敵家個碗拉面，同隔離個檔無人識既普通拉面，真係分別大得咁緊要，要用你一兩個鐘去排隊？築地最出名個幾間壽司，同無咁出名個幾間，分別真係大到你可以用三個鐘去排隊？我唔係食家，我真係唔識分。我個經驗係，你唔係太過咀刁既話，隨隨便便行入去任何一家街邊既拉面檔，都好難會中伏。壽司反而會容易中招。
最係FB 話比人知我去過邊間邊間食就另計。咁你就去排隊啦。
8. 暫時 行程
京都
清水寺 伏見 ~ 1day
嵐山∼1day
奈良/神戶 ~1day
大阪∼3ay
自己想去 空中花園 (梅田),奈良公園,心齋橋,電電城,道頓堀
清水寺 -> 地主神社 -> 二年
【嵐山】
■ 嵐山小火車(嵯峨野観光鉄道Ь①Чヵ)：2016年12月30日~2017年2月28日 運休，無法乘坐。
無記錯，清水寺好似要維修。有整就唔知要整幾多年。你睇下你去個段時間佢開始工程未，未就好快D 趕尾班車。如果開始左，咁你都可以放棄呢個景點了。
另外，奈良同神戶係完全相反方向，無咩可能一日內去哂。你上GOOGLE MAP ，了解下大阪、京都、奈良、神戶、和歌山、白濱呢幾個地方既位置，先再決定行程會好D。
