不過大家睇下：
引用第308樓垃圾桶於2012-06-06 21:26發表的“”:
我而家倒瀉蘿蟹中，好多野準備緊
公司要交接...resign letter交左
準備緊考ielts...月中考了
另外係好友呢邊...我已經忙到發癲了
123好慢...出一篇文都要等好耐...
桶少宜家忙成咁！公事又忙私事又忙，月中仲要考試，我認真地認為宜家實在唔係攪升級既好時候。
大家都睇到桶少講咩，先試減到300MB，唔得，再減到200MB。
每試一次，又要停壇一次。每次停壇，又要浪費桶少兩日既時間。一次唔得，再試多次，咁又兩日。
仲要係試到成功，都只係BACK UP 成功架咋喎。唔係升級成功喎。BACK UP 完仲要攪升級，呢到又唔知要幾多日。係咪成功升左級就了事。一定唔係！我敢寫包單。升左級，一定一大堆手尾要跟。大家有玩開電腦既都好清楚。實係呢到要執，個到要整。雜雜碎碎有排攪。呢到又唔知要攪幾多日。
大佬，桶少義務架咋。又唔係受薪。我地邊好意思咁樣去阻住人地D 時間先？
大家撫心自問，個壇宜家運作上面又唔係有咩好大既問題。唔升級，係好似蝕底左D。但無計喎。鬼叫我地唔夠人做野咩。你話我地多兩三個電腦專才可以幫輕下兩位技支，咁就梗係無問題啦。但宜家咩都要佢兩個人做哂。個工作量真係唔係講笑。我地唔可以太自私，只係諗自己開心，就唔考慮佢地既辛勞。
所以我真係認為，升級計劃需要認真地考慮清楚，係咪真係咁必需。唔行得唔得？
