[日本]不爛尾的好友遊記 ：宮古島之旅 [復制鏈接]

freezefox:等兩年先得？有呢樣條件咩？  (2019-10-25 09:28) 

甩左P 就可申請啦

水淺既最大好處就係影相靚。因為當你潛到去十幾米水深既地方 ，就算個日幾好陽光，光線幾充足都好，你影出黎既野都係一片藍色。無哂紅色的。就算加左瀘鏡，效果都係一般。要顏色出番黎，你必須打燈。係水底拍攝，真係器材先決！無個套野你幾好技術都係假。但個套野又重又貴又「呀」位，我地呢D 初哥又點會投資落去。所以之前潛水影出黎既野，都係藍色為主，無咩色彩。


但淺水區就唔同了。陽光仲可以透進海底。有光線，就有顏色。珊瑚本身鮮豔既色彩就可以完美地呈現出黎：







再次慶幸船家有多一部潛水相機可以借我者⋯⋯⋯唔係真係空手而回：

以下附上其他「微距」作品。估唔到宜家D 潛水相機，細細部都有如此「功力」：











終於比我見到兩條碟魚啦：





好難先發現既海免，仲細過你隻手指尾：

潛水既部分就係咁多了。下星期放埋其他景點就可以完成呢個不爛尾既遊記啦！

廢托:未正式去過 (2019-10-24 18:30) 

去沖繩揸下係OK的, 因為路夠平坦, 同時, 最好同伴本身識揸車.......

呢條咁長既橋, 有無氹仔10倍咁長呀?

freezefox:我地中午機去。到埗都已經五點幾。拎埋車，去到酒店，CHECK IN埋，都六七點了。一早訂左位食燒肉。上年食石恆牛，今年食宮古島。日本真係唔同地方有唔同既和牛食。雖然我就食唔出有咩大分別。不過，到宜家為止，我仍然認為咁多種和牛當中，都係飛驒牛最得我歡心。
食完晚飯 .. (2019-10-24 15:55) 

呢個情況我都試過, 即使你部機好靚, 算專業都唔會影到咁靚既星星,
因為天要好黑好黑, 先可以見倒好多好多星星, 但天咁黑又吸唔倒光去影,
所以係現場睇係超級感動果隻, 能夠影倒咁, 都真係好勁架啦........

如果你用當地既GPS係好容易指錯路, 反而如果用自己部手機 map下,
仲易D......

freezefox:我地今次住既酒店位於宮古島既南岸。呢到就係我間房既露台望出去既景啦。 如果你問，嘩，咁靚既海景，咁間房咪好貴囉？SORRY，除非你貪方便住巿中心，否則，你係宫古島任何一間酒店望出去，都係類似既無敵海景。對佢地黎講，呢D 海景同我地既樓景一樣係咁COMMON⋯; .. (2019-10-24 16:24) 

2粒鐘已經有咁既view, 幾舊水, 真係當去轉澳門, 分分鐘洗費仲平.......

我個住東京既朋友講, 佢話而家房價已經比之前貴左6倍了, 之前5000日元已經得,
而家係3萬.......不過唔知佢講係咩房........

都係多得D大陸人, 又去搶貴哂, 霸地盤........

freezefox:揀呢到住就係貪佢酒店配套夠完善。餐廳都有十幾間。有自己既沙灘，有自己既水上活動中心，好多野都可以不假外求。你真係可以留係酒店玩幾日邊到都唔去的。大把活動。 而且宮古島南岸水質亦十分之優質。 係酒店既沙灘就咁行出去都已經可以浮潛了。所以我第一日既行程都係全部留係酒 .. (2019-10-24 16:35) 

我唔太好海上活動, 比我食下, 訓下, 有咁既靚景都夠哂啦......

freezefox:到達池間島 同船家會合之後。就直接到碼頭出發。 點知， 去到碼頭先發現原來佢地個架船唔係遊艇，只係加左摩打既艇仔（唔怪得團費平人一截啦） 。嘩，個半個鐘既船程就好似坐緊過山車咁，上下係咁拋不得止，D 浪打埋黎全身濕透。雖然著哂泳衣，感覺都唔係咁好受。好在一早食定暈浪 .. (2019-10-25 11:18) 

齋游水都正啦, 無人既話, 我分分鐘裸泳都似.........哈哈哈哈!

freezefox:換好潛水衣，整理好裝備，再問船家借埋部潛水相機（自己個部尋日壞左，即刻電郵問定船家借一部，好彩佢有多者，唔係咩相都影唔到）。
一落水，喎！不得了！不得了！真係一望無際既珊瑚礁群呀！
....... (2019-10-25 11:23) 

D深海魚好似要有一定既水壓先可以生存, 所以太淺水, 即使夠多珊瑚都未必會多魚, 係咪呢?

[quote]sun:

但同時，沖繩係全日本交通意外失事率最高既地方。

sun:呢條咁長既橋, 有無氹仔10倍咁長呀? (2019-10-25 12:47) 

兩分鐘行完既橋會有幾長呀？

sun:呢個情況我都試過, 即使你部機好靚, 算專業都唔會影到咁靚既星星,
因為天要好黑好黑, 先可以見倒好多好多星星, 但天咁黑又吸唔倒光去影,
所以係現場睇係超級感動果隻, 能夠影倒咁, 都真係好勁架啦........
....... (2019-10-25 12:52) 

你要SET 腳架，推高少少個ISO ，然後曝光20-30秒。就咁影當然係影唔到。

當然，SET 機之外，客觀環境都係原因之一。 光害係星攝既大忌。另外，滿月又係另一個大忌。

當然，多雲既日子你都唔會影到好靚星河。

所以星攝都係一門學問。至少你要具備一D 天文知識。

sun:2粒鐘已經有咁既view, 幾舊水, 真係當去轉澳門, 分分鐘洗費仲平.......
我個住東京既朋友講, 佢話而家房價已經比之前貴左6倍了, 之前5000日元已經得,
而家係3萬.......不過唔知佢講係咩房........
....... (2019-10-25 12:56) 

熱門地點，熱門酒店就會貴D 囉。 你住近地鐵站、火車站咪又貴D 囉。


不過宮古島D 酒店都算幾貴。我搵到兩間係一千蚊樓下既，環境、質素算係唔錯 。然後一跳就跳到二千尾三千頭。再去就四千幾五千。無哂中間個D。即係千零蚊至二千零蚊一晚個D 。

即係，一係你就平一平。一係你就貴一貴。無中間路線⋯⋯⋯