下？唔係喎。我唔係咁既意思喎。
「做左之後知會聲」。咁你都做左，唔駛知會我都睇到啦。即係開個版主版，你做左。我見到。知唔知會都無分別。
我認為應該係「做之前知會聲」先岩喎。尤其要向壇主交代。呢點特別重要。
好似版主版，有呢個構思，應該先討論、商量，再做。你話非常時期……咁非常時期應該過左啦。咁宜家仲繼唔繼續KEEP呢個版，係咪應該討論下呢？
桶兄一方面話明白，但另一方面又做緊相反既野。有會員開TOPIC詢問，你唔係解釋比會員聽，而係粒聲唔出就將成個版「隱藏」左算。咁豈不是等如「眼不見為淨」？咁代表解決左個問題咩？完全無！只係「掩耳盜鈴」。你隱藏個版呢個動作，又係無經任何討論，自己決定就去馬。點解唔係刪左佢，唔係保留佢，而係隱藏佢？若然你覺得版主版根本無問題，又或者經討論後大家都想有版主版。咁根本唔駛隱藏左佢。直程開宗明義擺係到啦。宜家你隱藏左佢，係咪合符大部分版主既意願呢？天曉得。
呢樣野，同會員問點解會走個版主版出黎既問題完全係一樣既。
其實桶兄一直話唔掂行政工作，只管技術支援，但另一方面，又經常頒行好多新政策。而呢類政策，又多數未經商討既。唔少仲係影響頗大。仲要頒行時，LOCK埋個TOPIC，連入去比少少意見既空間都無。咁樣，的確有少許阻礙言路囉。
