Gabriel:小弟對於今次選舉，最驚訝既唔係拜登贏，侵侵輸
而係，睇番香港最近年幾，所謂黃營發生好多野都未叫做so-called 分裂
但係見到分化內鬥最嚴重既，竟然唔係因為香港發生既事，而係美國總統選舉[表情] [表情]
睇見立場新聞出專欄po俾人鬧，俾人話係奶共，俾人呼籲停課，真係跟 ..
(2020-11-09 10:21) 
其實一直分裂得好緊要。
你睇黃色經濟圈就知。 鬥到九彩。 黃色經濟圈，政治打壓唔到，藍營鬥佢唔過，搵埋黑社會都殺佢唔死⋯⋯⋯
但就係死係黃絲手上。 龍門、渣哥個D 咁多恩恩怨怨我都費時講。 佢地自己都樂於互相批鬥中。 鬥死係活該。 但連膳心小館呢啲做實事既黃店都要比黃絲鬥到關門大吉。 咁真係唔知為咩。 反正你做岩一百樣野都無用。做錯一件事就誅九族。永不翻身。
今次香港人無票係手既美國選舉，就更加精采。 幾多本身黃營既KOL 因為唔撐侵侵，又或者講左幾句所謂既「公道說話」 ，甚至，你只要唔係訓身撐侵侵，都一律被打為偽黃，真藍、左膠⋯⋯一大堆上綱上線既罪名。 薯伯伯呢D 黃絲KOL 都比人係咁追擊。 之峰呢類話題人物就更加唔駛講了。 去到最後，我都唔知邊個先可以自稱係黃營了。
其實，侵侵輸左，對香港無疑係十分不利，但未到世界末日，仲有好多野可以做。 之峰佢地成班玩開國際線既，唔通唔識咩。 人地去美國見政客多過我去政府合署續牌啦。 邊個做左總統，都要繼續打國際線架啦。唔通因為拜登做左總統，我地就自絕美國呢條戰線自動投降咩！
台灣呢大半年得到特朗普領導下既美國咁大既支援，拜登一宣布勝出，蔡英文第一批發賀電呀！ 唔通佢會話：「 啊！侵侵一直支持我地台灣，宜家拜登上場，我同美國絕交！」 咁白痴咩！形勢比人強，你唔係夾縫中求存，你可以點？
[ 此帖被freezefox在2020-11-09 18:45重新編輯 ]
