抱歉因為我一直無參加過好友聯賽，所以我唔係太清楚個遊戲進程。頭先快納左一野，我發覺有幾個好特別既現象：
1. 留言好少：
明顯地，近年既好友聯賽既留言係一年比一年少。今年除意甲外，其他三個聯賽，每個既總留言都只係得十七八頁，減埋主持人每周公布既成績，佔三頁，即係得13,4 頁，只有二百零個POST！一個聯賽有16隊，即總共16人玩。即係每個人平均係到留言都無13次。1個玩家玩一個遊戲，玩足一年，竟然只有13次留言。係一個十分令人震驚既數字…………係咪個遊戲本身欠缺討論既內容，無野好講呢？
2. 意甲特多：
但同一時間，我又發現，就算留言愈黎愈少都好。意甲既留言係特別標青的。今年已經破新低了，都叫有70頁，比起其他聯賽既總和仲要多。上年甚至有百四頁！點解意甲既投入度（我假設留言同投入度成正比）會係咁多個聯賽中最高既一個呢？
3. 比較睇睇好友聯賽同其他遊戲既留言情況：
成皇、醒皇，每一個遊戲都有足足二百幾頁既留言。醒王我唔清楚啦，成皇既玩家其實已經係玩得好HEA，係咁多年黎講算係並不十分投入既一年。但都仍然可以有二百幾頁既留言。近三千幾個POST，四萬幾次既點擊。二十幾個玩家計，每人平均出POST 都有百幾二百個。算係十分唔錯既「收視率」。強者生存有40頁。任何一間黑店都有四五十頁。可粉個間直頭百五頁！好友檑台有94頁！攪左半季既AVEEGO 更錄得160頁既優異成績！主力比新人玩既好友新人王都有58頁！好友聯賽，係用得我地人力最多既一個遊戲，得出黎既效果卻成反比。呢個現象會唔會比到D 咩啓示我地？
[ 此帖被freezefox在2013-06-17 16:26重新編輯 ]
