DAY 1 ： 朝早五點到達羽田機場。一個人帶住三個細佬，唔可以去得太遠。決定入台場玩半日。之前會先去日比谷既酒店放低行李。由於係搭通宵機，驚訓得唔好，可能中途要途酒店眠一眠。大概八點至八點半左右去東京駅接我太太。佢要六點半先到達成田機場。會合後去新橋到東京鐵塔一帶影燈飾。
DAY2 ：朝早由東京駅搭JR 去仙台。放低行李係仙台駅附近既酒店後，又搭番JR 返返去白石藏王駅，再搭接駁車去狐狸村。遊完狐狸村，搭接駁車返白石藏王駅，遊白石城，然後搭JR 返仙台，晚上係仙台行街街。
DAY3（是夜為平安夜） ： 早上食完早餐搭JR 返東京，去東京鐵塔既ONE PIECE 樂園，夠時間可能會先去池袋既SUNSHINE，晚上繼續周圍影燈飾。
DAY4 ：朝早晨咁早又搭JR 去群馬縣，目的地係水上高原既滑雪場。
DAY5 ：全日留係水上高原滑雪場。宜家考慮緊既係，會唔會再係到住多晚。定係返返東京繼續睇燈飾。但東京唔少聖誔燈飾去到25號就會停。26 號可能唔多選擇。
DAY6 ：如果前一晚係水上高原住，今朝就會繼續係個到玩多陣，中午先出番東京，係東京駅附近既玩具街行街購物。夠鐘就返之前住既日比谷酒店拎返寄存既行李，搭JR 去成田機場走人。如果前一晚返左東京既，今日就要再搵下有咩地方可以去了。
暫時係以上行程。咁安排既話，可以買5DAYS 東北PASS，唔駛租車自駕了。如果DAY 5 留係水上高原住，就直頭唔駛用PASS，岩岩好有五日。
