其實一開波都預左今場會輸....
對面無論技術,身型,速度都高兩班......
前鋒個高佬, 1米9 , 停到波又回到俾隊友, 中場個10號仔隊長最好波, 防中同左閘身型好好, 仲高過一對中堅...... 成隊全場猜到我地一棟都無 , 其實見佢地踢得好輕鬆 , 我覺得頂盡出左7成力.....
其實港隊呢場踢得唔差 , 級數有分別係冇法 , 雖然失第一球係好唔抵 , 無啦啦吹六秒間接導致失波洩左道氣.....但全場計, 自己無乜犯錯 , 現場睇個個球員都踢到盡 , 之後果兩球係對面造得好
班球員真係漠晒 , 最後竟然入兩球 , 真係搏返黎 , 尋晚Last 五分鐘個氣氛 , 真係勁過紅館 , 唔係講笑 , 真係嗌到有D震........
全感動係完場後應該有7,8成人冇走 , 拍手到球員返入更衣室........ 果下都唔知講咩好 , 好Touching , 好耐無試過睇場咁熱血既波
同埋睇到其實麥基真係累..... 下半場無埋陳7開路 , 見佢跑到CHOK晒手 , 同埋對住呢個級數對手 , 要自己去 , 其實真係無可能.......
反而陳7呢條真係 hihi , 見佢行埋去扮型已經知出事 , 咁早拎黃牌 , 同埋上半場尾 , 其實返後回防果陣有幾球都唔收腳 , 我覺得呢個有可能係收起佢既原因 , 如果唔係下半場用安基斯+高梵一左一右 , 效果可能仲好 , 不過又係無答案既說法...
只希望佢可以控制下自己情緒 , 已經唔係第一次同人嘈 , 可能佢覺得自己真係好型 , 但亂大局真係唔要得.... 對面其實好醒, 可能教練一早提左 , 基本上冇左陳7 , 前線最高果個都矮成半個頭 , 所以挑釁都真係一種戰術
同埋西亞班友真係好好戲 , 掂一掂都打幾個圈.....
呢方面有時真係要學下.....
之後既比賽 , 先對不丹 , 希望趁對面而家應該都無心戀戰 , 穩穩陣陣3分先 , 跟住 1117 就真係戲肉..... 到時我諗就算大球場都有機會爆多次
