為賺人仔可以去到幾盡】DC打造中國超人 組強國版正義聯盟
47,286
最後更新: 0717 21:48 / 建立時間 (HKT): 0717 11:32
4K
適中字型
較大字型
內地電影市場龐大，現時唔少荷李活片都要增加中國元素照顧強國觀眾，Marvel電影《美國隊長3：英雄內戰》（Captain America：Civil War）兩位導演羅素兄弟將會同方金影視製作動作科幻電影《英雄覺醒》，打造中國超級英雄「中國隊長」。而Marvel勁敵DC漫畫都唔執輸，喺佢哋剛剛推出的漫畫入面，就首次起用咗中國英雄人物做主角。
月前DC已經預告會有首個中國英雄人物誕生，故事係由華裔美籍作家楊謹倫負責炮製，漫畫《New Super-Man》第一期就啱啱推出，今次故事主人翁係來自上海的少年孔克南(Kenan Kong)，佢爸爸係秘密組織工作，而孔克南蝦蝦霸霸，唔似一般超英咁正義，喺一次機會獲得超力能量，變成中國超人鋤強扶弱，拯救世界。而中國超人既戰衣就以紅色為主，膊頭上有中國國旗的五星圖案，心口上面就同原裝超人一樣有個S字。
除咗呢個中國超人，今期漫畫亦預告會有中國蝙蝠俠同中國神奇女俠出現，呢三個超英亦係強國版正義聯盟的核心成員。唔知DC拍完手頭幾部超英片之後，會唔會拍將呢幾個中國超英拍成電影呢?
DC剛推出的新漫畫，打造咗首個中國英雄-中國超人。
下期仲有中國蝙蝠俠同中國神奇女俠。
[ 此帖被freezefox在2016-07-18 10:02重新編輯 ]
