[日本]新手請教日本親子遊~~ [復制鏈接]

科高蘭尼紐約人:唔知您細路幾大，如果不一定東京都可考慮九州，人又少D環境又舒服D物價又低D
要滿足老婆本身購物就市中心已夠附近又有OUTLET，景點的話就有福岡塔(呢個我未去過)、太宰府、由布院/別府
去得由布別府又可滿足細路去九州自然動物園/城島高原樂園
....... (2020-01-09 02:40) 

無了, 機票都book了, 我老婆個心已經去左東京~~~

麻凡:無了, 機票都book了, 我老婆個心已經去左東京~~~[表情] (2020-01-09 09:51) 

好明顯，你老婆有哂目標！你都係問清楚佢想去邊隱陣D⋯⋯⋯

freezefox:東京巨蛋呢係後生仔去架啦。 邊係我地呢D 老餅去架。 [表情] (2020-01-09 09:31) 

諗都無諗過去巨蛋, 日本文化已經無參與好多年了, 我同我老婆都係, 都係停留木村後生的日劇年代, 唔須要趕潮流(講得出呢3 隻字都知OLD SCHOOL到一個點...), 我地唔知亦會唔太理而家日本最流行乜野, 後生仔去到一定會去邊等等.....而我個女都未"後生", 未駛煩住~~

傳統一點點的景點啦, 又唔駛太多, 唔想一日走10個8個點, 晴空塔或東京鐵塔啦, 是但去一個, 雷門寺, 行下澀谷或原宿啦....其他未諗到~~

麻凡:機票貴囉...........[表情]
酒店都會貴左, 但酒店彈性大d, 貴咪唔住4-5星囉~~ (2020-01-09 09:50) 

一向東京都係住 3 星架啦。 4星都貴到飛起！仲講5星⋯⋯⋯

freezefox:
好明顯，你老婆有哂目標！你都係問清楚佢想去邊隱陣D⋯⋯⋯

佢唔識的~~只係佢未去過日本, 聽到"東京"個心會興奮D咁解囉~~

freezefox:一向東京都係住 3 星架啦。 4星都貴到飛起！仲講5星⋯⋯⋯  (2020-01-09 10:02) 

係咪話唔住東京駅, 住其他車站附近會平D?

麻凡:佢把口話有興趣囉, 但去到見人多又排隊, 唔夠一陣就係咁嘈話幾時返酒店, 反而我老婆仲玩得開心過佢~~[表情] (2020-01-09 09:43) 

會唔會因為平時都去開香港個迪士尼，見到D 野都差唔多所以提唔起興趣？


其實可以諗諗迪士尼海洋。 當然玩既野大同小異，但包裝唔同，角色唔同，D 遊戲相對迪士尼黎講比較傾向大少少既小朋友（比較啦），或者會比到一D 新鮮感佢。 第一次去東京，唔去迪士尼又真係有少少講唔過。

羅力亞:河口湖我4月尾都去[表情] (2020-01-09 09:49) 

咁可能我報告俾你聽喎~~

麻凡:上網睇過, 河口湖似乎好大好多野睇, 又山又有水, 確係好去處, 有真正旅行feel, 我有興趣去。
動物園你講富士野山動物園? 上網睇又係正喎, 但離河口湖要1-2個鐘車程, 唔算真係好近喎, 一日應該玩唔哂呢兩個地方? 係河口湖住一晚? (2020-01-09 09:47) 

不過你有一個好大既問題⋯⋯⋯時間。


六日五夜，好大機會仲要CUT 左頭尾兩日（我唔知你BOOK 幾點機），你得番個四日。你太太一定有幾個東京既熱門景點想去。 淨番比你去河口湖既時間變相唔太多⋯⋯


你去得河口湖，最少最少都住一晚。如果想留耐D 可能要住夠兩晚，你D 時間唔夠分。

麻凡:咁可能我報告俾你聽喎~~[表情] (2020-01-09 10:04) 

河口湖我宜家就係煩緊住宿

freezefox:會唔會因為平時都去開香港個迪士尼，見到D 野都差唔多所以提唔起興趣？
其實可以諗諗迪士尼海洋。 當然玩既野大同小異，但包裝唔同，角色唔同，D 遊戲相對迪士尼黎講比較傾向大少少既小朋友（比較啦），或者會比到一D 新鮮感佢。 第一次去東京，唔去迪士尼又真係有少少講唔過。 .. (2020-01-09 10:04) 

我都未定, 無話一定唔去, 迪士尼海洋係乜未有概念, 睇睇先~~
但如困河口湖同動物園要玩兩日, 就有點怕時間唔夠了, 當然而家完全未有行程定案......

另外，交通都係一個好頭痛既問題。我自己係自駕既，所以一向都唔太理交通問題。但你如果要搭公車，咁就唔同講法。

富士野生動物園 嚴格黎講其實唔係河口湖個邊。河口湖係富士山既北邊，富士動物園係富士山既南邊。一南一北，唔係開車去玩，好難將兩個景點放埋一齊。 附近比較近既景點其實係御殿場OUTLET 。你可以將兩個地方放埋一齊去玩。


其實富士動物園附近仲有個富士花鳥園，養左好多貓頭鷹，又可以餵企鵝，都有唔少動物的。不過話就話附近，開車都要 50分鐘。你搭公車既話我唔知點去了。佢係富士山既西北面。我地自駕既先會咁樣圍住富士山黎玩。

freezefox:不過你有一個好大既問題⋯⋯⋯時間。
六日五夜，好大機會仲要CUT 左頭尾兩日（我唔知你BOOK 幾點機），你得番個四日。你太太一定有幾個東京既熱門景點想去。 淨番比你去河口湖既時間變相唔太多⋯⋯
....... (2020-01-09 10:07) 

去4月6,  10:35 香港到成田
回4 月11, 19:25 成田到香港

freezefox:另外，交通都係一個好頭痛既問題。我自己係自駕既，所以一向都唔太理交通問題。但你如果要搭公車，咁就唔同講法。
富士野生動物園 嚴格黎講其實唔係河口湖個邊。河口湖係富士山既北邊，富士動物園係富士山既南邊。一南一北，唔係開車去玩，好難將兩個景點放埋一齊。 附近比較近 .. (2020-01-09 10:15) 

嘩, 咁呢個花烏園一定要去! 我個女係超級企鵝迷, 可以餵企鵝開心死佢~~~

睇黎我去唔到ONE PIECE了~~~

但真係要諗交通...............