引用第45樓始希於2007-01-17 10:27發表的“”:
本人不是針對貴千金...
而是針對閣下雙重標準..
.......
第一：我唔係雙重標準。我係十重標準！係唔同既事，唔同既層面上，我好多唔同標準添。
若然你有本事搵到「一重標準」。我恭喜你。我就唔得啦。我唔知道，「寬己嚴人」係咪就係叫一重標準。對人地要求高一高，對自己就隻眼開隻眼閉。
我自己會比較傾向「寬人嚴己」。對自己要求要高，對人地要寬大。若然呢個就係你所講既雙重標準。咁就當我雙重標準。無所謂。
第二：我都唔認為你針對我個女。不過我對你不斷用我個女作為例子去討論非常反感。我唔需要你表示遺憾呢類門面話，你只要知道一件事：唔好再攞我既屋企人出黎講。咁就已經OK。
你第一次用我個女作為例子。我已經好唔高興。不過，我會假設你唔知我唔鐘意，所以我仍然同你好理性咁討論。亦多於一次提醒你，「討論藝人私德，同我家人言行，有何關係？」
可惜，我唔知你係咪因為討論過激，失去冷靜，你完全睇唔到我既提示，你一次又一次咁用我屋企人作為你討論既工具。你既言論，令我亦失去耐性同冷靜。所以我好嚴峻咁警告你，唔好再用呢樣野黎講。
你可以自己由頭到尾睇番成個topic。一開始，大家都係嬉嬉哈哈咁，討論一單雞毛蒜皮既八卦新聞。係幾時，由邊個，將佢變成一場無謂既駡戰？你自己睇啦。
至於你其他既言論，與本人無關。我唔想介入。攪清楚我地呢便既問題，我就唔會再入黎架敕！
