copy:
唔係金莎朱古力, 不過佢絕對令我地呢D中年男人從此對朱古力的恐懼改觀. 係初戀的感覺,
係青春的氣息. 係生機, 生氣, 絕對唔係我地呢D死海枯井裡面混鰸對前途愛情生命無晒希望的男人可以搵到出來.
大陸七億女人, 靚聲何奇多. 但係小強聽過咁多靚聲大陸女聲, 張靚穎唔夠靚, 張筆順聲係正但嫌太老氣,
樣唔好提. 歌曲質素等更欠新鮮. 就連我最愛的劉莤美子(劉亦菲)亦只係得個樣, 氣質同高挑的身裁,
歌藝HANDFREE. 本來一直都好迷劉亦菲, 但自從一個月前唔知邊度痕買左一堆CD後,
其中兩隻較為有驚喜, 當中有佢---金莎.
我一直都唔想推介佢比大家, 一來係因為懶, 二來亦因為懶, 而三來就係想好鴕鳥咁想以為只係自己識欣賞,
想全部擁有佢. 而大家發燒友無買呢隻碟的大多原因, 就係因為佢個名.
尋日一口氣買返晒之前佢出的碟. 每隻CD都跟一隻DVD MTV+KOK. 我可以大大聲咁講,
制作超水準. KOK拍攝同剪接都係超水準, 除左畫質比較矇之外, 連取景都遠道去到LATIPA
ENNIOR. 厲害!
先唔好講歌, 講樣, 金莎真係有九成似十八歲的酒井法子. 但係又帶住中國人的氣息,
脫俗. 我真係好鐘意佢張小嘴..好靚. 唱起歌上來的時候, 嘴型咬字的準繩, 又不失美觀,
絕對係後現代徐小鳳的美觀版. 亦可方便聽力障礙的人仕方便讀唇.
至於歌曲掣作, 如我所說, 市面上充積住都係口水歌, 翻唱有幾好都無用, 我呢D缺乏希望的中年弱產人仕,
要的唔係成功人士成功之道, 而係清純少女令人充滿生機幻想的希望之..道...
雖然我唔知邊個係李志清,黃淑惠, 但我深信大家會話比竹找知佢地係乜Q資深大陸的音樂創作人,
當中創作過蘇洲河的原聲大碟, 愛在小人國主題曲的歌詞, 想入飛飛中的背景音樂等等..唔好咁同我講,
要話我知比較巨體少少.
呢兩隻碟(其實我唔知佢出左幾多隻碟), 全部的音樂, 編曲, 歌詞等小強全部推介,
可能係個人情懷, 大家買左唔O岩聽可以比埋我, 我用來當牆紙用.
當中一段令小強喊左出來, 真係喊左出來, 我唔知點解, 所以想問下大家點解. 呢一段VIDEO,
加埋首歌, 金莎演釋出從心裡面舒發出來的感覺, 情懷. 大家都有過呢D由個心度酸出來的回憶嘛?
DVD中看出她雙眼慢慢變紅, 辛酸委屈表情開始由心內慘出來, 再通紅一點, 淚水再凝固一點,
左多一點, 哭啦, 唱不出來了, 眼淚流出來了. 我曾幾何時令過幾多女人嚮咁近佢離眼淚一滴滴為我流下...我對佢地唔住.
我好對佢地唔住. 如果再有得比我揀, 我發誓唔會再令愛得我這樣深的女人為我而喊.
(醜女除外).
