相反，鼓佬除左「懷疑」（無錯，只係懷疑，我地無證據的）利用太太既醜聞黎做勢外，作為一個丈夫，其實佢已經好好架啦喎。
喂，宜家佢太太真係勾佬喎！係佢太太對佢唔住在先架喎。大家好似唔記得左咁既？
一個男人，知道個老婆勾佬比綠帽佢戴，都仲願意接受番個太太，同佢由頭黎過，咁既量度，唔好講其他，呢到咁多位相信都無咩邊個有本事做到。呢D 唔係利用既行為喎。佢知道太太對自己唔住個陣，係真係有覺得自己都有錯，冷落左太太，所以開始個陣係願意同太太分開兼且比哂D 錢佢太太，比埋層樓佢太太。呢到所有既行動，唔係有動機有目的，無野可以謀算，係真正出自內心既行為。簡單咁講，真係幾偉大下架。有幾多個男人可以做到？
人性係繁複既，唔可以因為佢曾經做過一件壞事，試過一次計算，就抺殺佢亦都有做過既好事。所以我唔認為鼓佬係單純既大奸大惡自私自利。相反，我認為佢既人生入面，可能九成既時間都可以做到無私，為他人著想，真心既為人民服務。
但佢會係某D 關鍵位，關係到自身生死攸關既問題下，忽然變得好自私。我覺得咁先似真正既「人」。因為我相信大多數人都係咁的。
